სეზონის დასრულების შემდეგ "ბაერნის" მთავარი მწვრთნელი თომას ტუხელი "რეკორდმაისტერს" დატოვებს. ამის შესახებ ინფორმაცია გერმანულმა კლუბმა ოფიციალურად დაადასტურა.მიზეზი მიუნხენელთა არადამაკმაყოფილებელი შედეგები გახლავთ. ბუნდესლიგის სატურნირო ცხრილში მეორე ადგილზე მყოფი "ბაიერნი" პირველადგილოსან "ლევერკუზენს" 8 ქულით ჩამორჩება.
გარდა ამისა, ჩემპიონთა ლიგის 1/8-ფინალური ეტაპის პირველ მატჩში "რეკორდმაისტერი" მოულოდნელად "ლაციოსთან" 0:1 დამარცხდა.
"ბაიერნში" მწვრთნელის კანდიდატურაზე ამ გუნდის ყოფილი თავკაცი ჰანსი ფლიკი განიხილება. თუ გერმანულ გამოცემა Bild-ს დავუჯერებთ, ამ მომენტისთვის "რეკორდმაისტერის" გაწვრთნასთან ყველაზე ახლოს ფლიკია, თუმცა რამდენიმე დღის წინ გავრცელდა ინფორმაცია, რომ შეთავაზების შემთხვევაში, ანტონიო კონტე
შეგახსენებთ, ტუხელმა მიუნხენური გუნდი 2023 წლის მარტში ჩაიბარა.
