ევრო 2024 14 ივნისს, მასპინძელი გერმანიისა და შოტლანდიის მატჩით გაიხსნება. ტურნირის წინ დიდი მოლოდინებია, რომლებსაც დებიუტანტი საქართველოს ნაკრებიც უერთდება. Sportall.ge ევროპის ჩემპიონატის შესახებ მორიგ მასალას გთავაზობთ, რომელიც ამჯერად ყველა მონაწილეზე გიამბობთ.ფულკრუგი გოლს აღნიშნავს
A ჯგუფი: გერმანია/შვეიცარია/შოტლანდია/უნგრეთი
მომავალი ტურნირის მასპინძელ გერმანიის ნაკრებში მსოფლიო ჩემპიონატის დროს ბევრი პრობლემა გამოჩნდა. საბოლოოდ, გუნდში ზარ-ზეიმით მიყვანილი ჰანსი ფლიკი გაათავისუფლეს და ნაკრები იულიან ნაგელსმანს ჩააბარეს. გერმანელებს კრიზისი საკმაოდ გაუგრძელდათ და ახლა მის დასრულებას ელიან. ჯამალ მუსიალა ფორმაშია; ტონი კროოსის დაბრუნებას სასიკეთო ძვრები უნდა მოჰყვეს; ნიკლას
ბოლო 20 წლის განმავლობაში შვეიცარია მხოლოდ ერთ დიდ ტურნირზე ვერ გავიდა (ევრო 2012). ასე რომ, სტაბილურობა შესაშურია. ისინი ჩემპიონატს ვერ მოიგებენ, მაგრამ ძლიერი გუნდი ჰყავთ - მეკარე ზომერი, აკანჯი, შერი, ჯაკა... ზეკი ამდუნს (ბარნლი) ბოლო დროს ცოტა გააქვს, არადა, მისი ეიმედებათ.
2022 წლის მუნდიალის გამოტოვების შემდეგ მარკო როსის უნგრეთს მნიშვნელოვანი პროგრესი აქვს. მთავარი ვარსკვლავი აქ "ლივერპულელი" სობოსლაია, რომელიც ბრწყინვალე ფორმაშია. უნგრელები ჯგუფიდან გასასვლელად (6 ჯგუფიდან 4 მესამეადგილოსანიც გადის) აუცილებლად იბრძოლებენ.
ანრი დელონეს თასის ფავორიტები არც შოტლანდიელები არიან, მაგრამ სკოტ მაკტომინეისა და ენდრიუ რობერტსონთან ერთად ისინი ბევრს ეცდებიან.
ტორესი ესპანელთა მთავარ დანაკლისს, გავის ამხნევებს
B. იტალია/ხორვატია/ესპანეთი/ალბანეთი
იტალიას ევროზე გასვლაში მსაჯის გადაწყვეტილებაც რომ დაეხმარა (უკრაინასთან), ცნობილი ამბავია. ლუჩანო სპალეტიმ "ნაპოლისთან" ერთად სასწაული შეძლო და მას პოლიტანოსა თუ რასპადორის აქაც ეიმედება. ევროპის მოქმედი ჩემპიონების მთავარი ვარსკვლავები მაინც ბარელა და კიეზა არიან.
ევრო 2024 ხორვატების განსაკუთრებული თაობისთვის ბოლო უნდა იყოს. ლუკა მოდრიჩმა შესარჩევის დროს თქვა, რომ დიდი ხანია, ასე ცუდად არ უთამაშიათ, საბოლოოდ კი თურქეთს ჩამორჩნენ და მეორეზე გავიდნენ. "მანჩესტერ სიტიში" გვარდიოლისა და კოვაჩიჩისგან აშკარად უკეთეს სეზონს ელოდნენ.
დე ლა ფუენტემ დაამტკიცა, რომ ის "ფურია როხას" თავკაცობას იმსახურებდა. ესპანეთის ნაკრებიდან ვერაფერს გამოვრიცხავთ. მთავარი პრობლემა გავის ტრავმაა, რომელიც მან თბილისში მიიღო. ესპანელები გუნდურობით გამოირჩევიან. თუკი ვინმეს გამოყოფა იქნება საჭირო, ასეთი როდრია.
ალბანელებისთვის ეს მეორე ევროა. მათი რამდენიმე ფეხბურთელი იტალიაშია; "ბარსელონას" ყოფილ მცველ სილვინიოს გუნდი ბოლომდე იბრძოლებს.
ინგლისელთა კაპიტანი კეინი
C. სლოვენია/დანია/ინგლისი/სერბეთი
პირველი ევროდან 24 წლის შემდეგ, როცა სლოვენიის ნაკრებში გენიალური ზლატკო ზაჰოვიჩი თამაშობდა, ისინი კვლავ აქ არიან. რაც შეეხებათ სერბებს, ევროპირველობაზე პირველად მონაწილეობენ მას შემდეგ, რაც 2006 წლიდან მხოლოდ სერბეთი დაირქვეს.
კასპერ ჰიულმანდის დანია საკვალიფიკაციო ეტაპზე არასტაბილური იყო, წააგეს ყაზახეთსა და ჩრდ. ირლანდიაში, რთულად მოუგეს სან-მარინოსაც კი და ახლა ჯგუფში მყოფ სლოვენიელებსაც ვერ აჯობეს.
ფეხბურთის "სახლში დაბრუნებაზე" ისევ ბევრს ისაუბრებენ, ინგლისელებს ხომ 1966 წლის შემდეგ არაფერი მოუგიათ. საუთგეიტის ბიჭებს აქვთ ნიჭი და ახლა უკვე გამოცდილებაც, წინა ტურნირის ფინალში წააგეს, მთავარი მწვრთნელისთვის კი ეს ბოლო შანსია, რომელსაც ზედმეტი კონსერვატიზმის გამო აკრიტიკებენ. ინგლისელებს მაღალი კლასის ფეხბურთელების დეფიციტი ნამდვილად არ აქვთ - ბელინგემი, კეინი...
მბაპეს შეჩერება გაუჭირდებათ...
D. პოლონეთი/ავსტრია/საფრანგეთი/ნიდერლანდები
პოლონეთის ნაკრები ბოლო დროს დიდ ტურნირებზე გადის. გუნდის მთავარი ვარსკვლავები "ნაპოლიდან" წასასვლელად გამზადებული პიოტრ ზელინსკი და რობერტ ლევანდოვსკი არიან. ლეგენდარულ "ცხრიანს" შესარჩევი ეტაპი ნაკლებად წარმატებული ჰქონდა.
რალფ რაგნიკი, რომელიც ბოლოს "მანჩესტერ იუნაიტედიდან" გვახსოვს, ერთ დროს კი ლევან კობიაშვილის "შალკეს" თავკაცობდა, ავსტრიის ნაკრებს მშვენივრად მოერგო. 2022 წლის მუნდიალის გამოტოვების შემდეგ ავსტრიელების პროგრესი აშკარაა. მათი მთავარი პრობლემა დავიდ ალაბას ტრავმაა.
საფრანგეთის ნაკრები ტურნირის მთავარი ფავორიტია და დაველოდოთ, ამ სტატუსს როგორ გაამართლებს. გუნდს გარკვეული პრობლემები მარჯვენა მცველის პოზიციაზე თუ აქვს, სადაც უფრო "მარსელელი" კლაუსი თამაშობს, ვიდრე "ბარსელონელი" კუნდე. ისედაც ძლიერი ნახევარდაცვა 18 წლის უორენ ზაირე-ემერმა (პსჟ) უფრო გააძლიერა, კილიან მბაპეს შეჩერება კი ყველას გაუჭირდება.
მეორედ დაბრუნებული როლანდ კუმანის ნიდერლანდელებს ხარისხი აშკარად აკლიათ. გაკპო მსოფლიო ჩემპიონატზე კარგი იყო, მაგრამ გაგრძელება სათანადო არაა; ხავი სიმონსი პერსპექტიული ბიჭია, მემფის დეპაი კი ცუდი საკლუბო პერიოდის დროსაც, ნაკრებში სახიფათოა. კვლავ ბევრი იქნება დამოკიდებული კაპიტან ვან დეიკზე, "მანჩესტერში" ვერგამართლებულ ვერგჰორტს კი "ჰოფენჰაიმში" გააქვს.
ლუკაკუმ შესარჩევში 14 გოლი გაიტანა...
E. რუმინეთი/ბელგია/სლოვაკეთი/უკრაინა
ედვარდ ლონდარესკუმ რუმინელებთან ერთად ერთგვარი სასწაული მოახდინა და ვნახოთ, ეს სადამდე გაგრძელდება...
დომენიკ ტედესკომ ბელგიის გაახალგაზრდავება დაიწყო. ბელგიელებს ბოლო მუნდიალის შემდეგ არ წაუგიათ. რომელუ ლუკაკუს ისევ გააქვს, შესარჩევ ეტაპზე მის ამგარიშზე 14 გოლი იყო. ტროსარი "არსენალში" შედეგიანია, გუნდშია "სიტის" დრიბლიორი დოკუ, კევინ დე ბრუინს კი დიდ ფორუმზე გადამწყვეტი სიტყვის თქმა კიდევ ერთხელ შეუძლია.
სლოვაკეთს შესარჩევ ჯგუფში გაუმართლა, მთავარი კონკურენტი მხოლოდ ლუქსემბურგი იყო, მაგრამ "ნაპოლის" მწვრთნელმა კალცონამ 2022 წლის ნოემბრის შემდეგ ძალიან დიდი სამუშაო ჩაატარა. მთავარი ხალხი შკრინიარი და ლობოტკა არიან.
რებროვის უკრაინამ ნეიტრალურ მოედანზე ითამაშა, მაგრამ მიზანს "ერთა ლიგიდან" მაინც მიაღწია. აქ რუსეთის შემოჭრის შემდეგ განადგურებული ხალხის განწყობა ამაღლდა. უკრაინელებს მშვენიერი ახალგაზრდები ჰყავთ, მეკარე ლუნინიდან დაწყებული, შემტევ მუდრიკით დასრულებული.
"შვიდიანები" ერთმანეთს დაუპირისპირდებიან...
F. ჩეხეთი/თურქეთი/პორტუგალია/ საქართველო
საქართველოს ნაკრები დიდი ტურნირის დებიუტანტია, რომელსაც ჯგუფიდან გამსვლელთა შორის არავინ დაასახელებდა, თუმცა გუნდს ხვიჩა კვარაცხელია ჰყავს, რომელსაც "ფლანგის ჯადოქრად" იცნობენ.
ივან ჰასეკის მეორედ დაბრუნება და ღამის კლუბის სკანდალის შემდეგ ისევ დალაგებული ჩეხეთის ნაკრები ყველასთვის რთული მოწინააღმდეგე იქნება.
კუნცის გათავისუფლებამ და მონტელას დანიშვნამ გაამართლა, თურქეთის ნაკრებმა ცუდად დაწყებული საქმე კარგად დაასრულა. ბოლოს, ამხანაგურ მატჩში ავტრიასთან (1:6) განადგურების შემდეგ, ვინჩენცოს გადადგომა ზოგიერთმა ჟურნალისტმაც სთხოვა. აღსანიშნავია, რომ თურქები დიდ ტურნირზე გახსნით მატჩებს მუდმივად აგებენ, ამ სტატუსით კი ახლა საქართველოსთან დაპირისპირება აქვთ.
პორტუგალიელებმა, მარტინესის ხელმძღვანელობით, შესარჩევ ეტაპზე ათივე მატჩი მოიგეს, გაიტანეს 36 გოლი (მხოლოდ კრიშტიანო რონალდომ და ბრუნო ფერნანდესმა - 16). გუნდმა სანტუშის შემდეგ შემტევი ფეხბურთი დაიბრუნა, მაგრამ გადამწყვეტ ეტაპებზე მარტინესის ბელგიას პრობლემები ჰქონდა. ვნახოთ, ახლა რა იქნება.
მიქაუტაძეს ევროს შემდეგ დიდ გუნდში ველით - ფორვარდები, რომელთაც გერმანიაში გრანდებიც დააკვირდებიან...
მამარდაშვილი ევრო 2024-ის 3 ყველაზე პროგრესირებად მეკარეში - ვინაა ყველაზე სახელოვანი...
უკეთესი კარიერის შანსი ქოჩორაშვილისთვის - ფეხბურთელები, რომელთაც ჩვენს ჯგუფში უნდა დავაკვირდეთ...
