"ვეცდები, ქართული დროშა ღირსეულად ვატარო და ყველაზე მაღლა ფრიალებდეს!"

დღეს, 22 ივლისს, თბილისის ოლიმპიურ პარკში ოლიმპიური ფიცის დადებისა და საქართველოს დელეგაციის გაცილების ცერემონია გაიმართა. ღონისძიებას საქართველოს პრეზიდენტი, პრემიერ-მინისტრი, სპორტის მინისტრი ესწრებოდნენ. მათ საქართველოს დელეგაციას წარმატება და გამარჯვება უსურვეს.

მინდა დიდი მადლობა გადავუხადო ყველას, ვინც ნდობა გამომიცხადა და ამირჩია მედროშედ, - განაცხადა რიოში საქართველოს ოლიმპიური დელეგაციის მედროშემ, ძიუდოისტმა ავთანდილ ჭრიკიშვილმა.

რიო დე ჟანეიროს ზაფხულის XXXI ოლიმპიურ თამაშებზე საქართველოს 39 სპორტსმენი გამოვა (მათ შორის 9 ქალია), რაც სარეკორდო მაჩვენებელია. ისინი წარმოადგენენ სპორტის 13 სახეობას. დელეგაციის წევრები ბრაზილიაში რამდენიმე ნაკადად, 26 ივლისიდან გაემგზავრებიან. რიოს ოლიმპიურ სოფელში საქართველოს დროშის აღმართვის ცერემონიალი დაგეგმილია 2 აგვისტოს, გახსნის ცერემონიალი კი 5 აგვისტოს, სტადიონ "მარაკანაზე" ჩატარდება.

- საქართველოს დელეგაციის შემადგენლობა ზაფხულის XXXI ოლიმპიურ თამაშებზე

"მინდა მადლობა გადავუხადო ყველას, ვინც ნდობა გამომიცხადა და ამირჩია მედროშედ. მაქსიმალურად ვეცდები, ქართული დროშა ღირსეულად ვატარო და ჩემი გამოსვლის დროსაც ყველაზე მაღლა ფრიალებდეს.

ჩვენ დიდი ხანია ვემზადებით, მზად ვართ როგორც ფიზიკურად, ასევე ფსიქოლოგიურად", - განაცხადა ავთანდილ ჭრიკიშვილმა.

მომზადებულია "ინტერპრესნიუსის" მიხედვით