ორი ტურიც და თბილისის ჭადრაკის სასახლეში მოჭადრაკე ვაჟთა 74-ე ეროვნული ჩემპიონატი დამთავრდება, რომელიც ნოკაუტ-სისტემით ტარდება. ასპარეზობას მხოლოდ მედლებისთვის მებრძოლები შემორჩნენ. ჩემპიონობისთვის მიხეილ მჭედლიშვილი და ლევან ფანცულაია ეცილებიან ერთმანეთს.
ბრინჯაოს მედლის მფლობელის ვინაობას მერაბ გაგუნაშვილისა და დავით ჯოჯუას პაექრობის შედეგი გამოავლენს. ფინალური ოთხ-ოთხი კლასიკური პარტიიდან უკვე გათამაშდა ორი ტური. ანგარიში თანაბარია - 1:1.
