თბილისის ჭადრაკის სასახლეში დასასრულს მიუახლოვდა მოჭადრაკე ვაჟთა 74-ე ეროვნული ჩემპიონატი, რომელშიც სხვადასხვა კუთხის 16 წარმომადგენელი ჩაება. ნოკაუტ-სისტემის სამრაუნდიანი პაექრობების შემდეგ გამოვლინდნენ ის დიდოსტატები, რომლებიც მედლებისთვის დაუპირისპირდებიან ერთმანეთს.
გასულ უქმეებზე მიხეილ მჭედლიშვილმა ორტურიან მინი-მატჩში მერაბ გაგუნაშვილს აჯობა 1,5:0,5; ლევან ფანცულაიამაც ასეთივე ანგარიშით დავით ჯოჯუას სძლია.
ოქროს მედლისათვის მჭედლიშვილი და ფანცულაია გაარკვევენ ერთმანეთთან ურთიერთობას, მესამე ადგილის ბედი კი ჯოჯუა-გაგუნაშვილის პაექრობაში გადაწყდება. 20 იანვრიდან მეტოქეები ოთხ-ოთხ კლასიკურ პარტიას ითამაშებენ.
თუ უპირატესობას ვერც ერთი მხარე ვერ მიაღწევს, გამარჯვებულებს ტაიბრეიკები დაასახელებს. ჩემპიონი ვაჟთა ნაკრებში დაიბევებს
(იბეჭდება მცირე ცვლილებით)
ყოველდღიური სპორტული გაზეთი "ლელო"
