"ლაციო" იგორ ტუდორმა ჩაიბარა. ამის შესახებ ინფორმაცია ავტორიტეტულმა ჟურნალისტმა ფაბრიციო რომანომ დაადასტურა.წყაროს ცნობით, ხორვატმა სპეციალისტმა "არწივებთან" კონტრაქტი 2025 წლის ზაფხულამდე გააფორმა და მუშაობას სულ მალე შეუდგება.
შეგახსენებთ, გასულ კვირას "ლაციო" ჩემპიონთა ლიგის მერვედფინალური ეტაპის განმეორებით მატჩში "ბაიერნთან" მარცხის შემდეგ მაურიციო სარიმ დატოვა.
ტუდორი ბოლოს "მარსელს" წვრთნიდა, სხვადასხვა დროს კი "გალათასარაის", "უდინეზეს", "ჰაიდუკს", "პაოკს", "ვერონასა" და "ქარაბუქსპორს" ავარჯიშებდა.
