წვიმიან ამინდში მატჩი მაღალ ტემპში მიმდინარეობდა. ორივე გუნდი აქტიურობდა. პირველ ტაიმში უპირატესობას ბათუმელები ფლობდნენ. უფრო მეტი მომენტი თბილისელებმა შექმნეს, თუმცა გოლი ვერ გაიტანეს.
თამაშის სურათი შესვენების შემდეგ არ შეიცვალა, „დინამო“ ინიციატივას ფლობდა, „საბურთალო“ კი სწრაფი სახიფათო კონტრიერიშებით პასუხობდა. ორივე გუნდი ფრთხილობდა. ყველაფერი თითქოს იქითკენ მიდიოდა, რომ დამატებითი დრო დაინიშნებოდა, მაგრამ კომპენსირებულ დროში კუთხურიდან ჩაწოდებული ბურთი ჩადუნელმა შეცვლაზე შესულ სიხარულიძეს გადააწოდა და მან კვასხვაძის კარი დალაშქრა. ამის შემდეგ ბათუმელები შტურმზე გადავიდნენ. თავისი გუნდი მეკარე კუპატაძემ გადაარჩინა. მერე საჯარიმოში შესული ფაცაცია ო. მამაგეიშვილთან ბურთზე ბრძოლისას წაიქცა, მსაჯმა პენალტი არ დანიშნა, ვითარება დაიძაბა, დინამოელი ღუდუშაური გააძევეს და შეხვედრაც დასრულდა, თუმცა არ დასრულდა შეხლა-შემოხლა. მოედანზე გულშემატკივრები გადავიდნენ და ჩხუბი ტრიბუნაზეც დაიწყო.
საბედნიეროდ, სიტუაცია განიმუხტა და გამარჯვებულ გუნდს თასი საქართველოს ფეხბურთის ფედერაციის პრეზიდენტმა ლევან კობიაშვილმა გადასცა.
დედაქალაქური კლუბი მესამედ დაეუფლა თასს და კონფერენს ლიგის საკვალიფიკაციო ეტაპზე იასპარეზებს.
თბილისი. „მიხეილ მესხი“
საბურთალო - დინამო (ბთ) 1:0
გოლი: სიხარულიძე (90+2)
გაძევება: ღუდუშაური (90+7, დინამო)
ვიდეო: Geo Team
CRYSTALBET ELIGA AWARDS 2023 | ნომინანტები და გამარჯვებულები
![ეროვნული ლიგა. XI ტური. "დინამო" (ბთ) - "გაგრა" [LIVE]](/pictures/image7/ea747cd5fb6df43cdd8269d8e1d06295.png "ეროვნული ლიგა. XI ტური. \"დინამო\" (ბთ) - \"გაგრა\" [LIVE]")
![მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის "დინამოსთან" [VIDEO]](/pictures/image7/7e332ca7afe2eb96a9cc4641f944e2f0.jpg "მეტოქე გუნდის ფეხბურთელებიც კი შოკში ჩავარდნენ - ახალაძის საოცარი გოლი ბათუმის \"დინამოსთან\" [VIDEO]")
![ლამაზი გოლები... "სამგურალმა" "დინამო თბილისს" მოუგო, დერბები ფრედ დასრულდა [VIDEO]](/pictures/image7/85f1a83028671db3c85cbeac88707d64.jpg "ლამაზი გოლები... \"სამგურალმა\" \"დინამო თბილისს\" მოუგო, დერბები ფრედ დასრულდა [VIDEO]")
![ეროვნული ლიგა. X ტური. "კოლხეთი" - "დინამო" (ბთ) [LIVE]](/pictures/image7/148bb768a167b56e5d5e61d30e74b260.jpg "ეროვნული ლიგა. X ტური. \"კოლხეთი\" - \"დინამო\" (ბთ) [LIVE]")
