meczyki.pl-ის ცნობით, არაა გამორიცხული, საქართველოს ნაკრების 28 წლის მცველმა ოთარ კაკაბაძემ "კრაკოვია" დატოვოს.
გამოცემის ჟურნალისტი ტომაშ ვლოდარჩიკი წერს, რომ კაკაბაძეს პოლონურ კლუბთან კონტრაქტი ზაფხულამდე აქვს გაფორმებული, გახანგრძლივებაზე აწარმოებს მოლაპარაკებას, მაგრამ მისი სამსახურით სერია A-ში გადასვლისთვის მებრძოლი "კრემონეზე" დაინტერესდა და მოხარული იქნება, თუ გადაიბირებს.
კაკაბაძე "კრაკოვიაში" 2021 წელს გადავიდა და მას შემდეგ 61 მატჩში 5 გოლი გაიტანა და 6 საგოლე გადაცემა გააკეთა, ესქტრაკლასას ბოლო, "ლეგიასთან" საშინაო შეხვედრაში (2:0) კი გუნდის კაპიტანი იყო.
"კრაკოვია" ჩემპიონატზე მეცამეტე ადგილზეა და გულშემატკივრები სოციალურ ქსელებში კლუბის
ხელმძღვანელებისგან ქართველის შენარჩუნებას მოითხოვენ.
რაც შეეხება "კრემონეზეს", რომლის ღირსებასაც ლუკა ლოჩოშვილი იცავს, სერია B-ში მესამე პოზიციაზეა.
კაკაბაძე კაპიტანი იყო - "კრაკოვიამ" მოუგებელი სერია დაასრულა
![ნახეთ როგორი ჩინებული გოლი გაიტანა კაკაბაძემ პოლონეთის ჩემპიონატში [VIDEO]](/pictures/image7/e0a1fa67e8d7fd7114f6a361fc12e044.jpg "ნახეთ როგორი ჩინებული გოლი გაიტანა კაკაბაძემ პოლონეთის ჩემპიონატში [VIDEO]")
![გოლი და საგოლე პასი - შეცვლაზე შესულმა კაკაბაძემ "კრაკოვიას" თამაში შემოატრიალებინა [VIDEO]](/pictures/image7/ae75c79115baaa9940b6916007e66106.jpg "გოლი და საგოლე პასი - შეცვლაზე შესულმა კაკაბაძემ \"კრაკოვიას\" თამაში შემოატრიალებინა [VIDEO]")
