საქართველოს ნაკრებმა ევროპის ჩემპიონატზე ისტორიული გამარჯვება იზეიმა [VIDEO]

AutoSharing Option
PLAYER_GET_VIDEOFLASH
21 იანვარს, საქართველოს წყალბურთელთა ეროვნულმა ნაკრებმა სერბეთის დედაქალაქ ბელგრადში მიმდინარე ევროპის ჩემპიონატზე პირველი გამარჯვება იზეიმა. იოვან პოპოვიჩისა და ვლადიმერ ისელიძის გაწვრთნილმა გუნდმა ტურნირზე XIII-XVI ადგილებისთვის მატჩში თურქეთის ნაკრები ანგარიშით 12:11 დაამარცხა.

აღსანიშნავია, რომ საქართველოს ნაკრები დამოუკიდებლობის შემდეგ მეორედ თამაშობს ევროპირველობაზე, თურქეთთან დაძაბულ ბრძოლაში მოპოვებული გამარჯვება კი პირველი და შესაბამისად ისტორიულია.

ქართველმა წყალბურთელებმა თავიდანვე ხელთ იგდეს ანგარიშში უპირატესობა და პირველი ტაიმი ოთხბურთიანი უპირატესობით მოიგეს. მეორე ნახევარში თურქებმა შეძლეს სხვაობის შემცირება, თუმცა გათანაბრება ვერ მოახერხეს.

საქართველოს ნაკრებში ყველაზე შედეგიანი მიხეილ ბაღათურია იყო 3 გოლით, 2-2-ჯერ გაიტანეს დამირ ცრეპულიამ, მარკო ელეზმა და ზურაბ რურუამ. თითო გოლი მიითვალეს ბექა ქავთარაძემ, მარკო ელაჩამ და კონსტანტინე გეგელაშვილმა.

ჩემპიონატზე ბოლო მატჩს საქართველოს ნაკრები 22 იანვარს, სლოვაკეთის ნაკრების წინააღმდეგ გამართავს და წარმატების შემთხვევაში საბოლოოდ მე-13 ადგილს დაიკავებს.
ერიჰას საყურადღებოდ: თუ წყალბურთში ხარ ევროპაში მეცამეტე, იმას ნიშნავს რომ მსოფლიოში ხარ მეთხუთმეტე. ასე რომ, შეიძლება მივულოცოთ კიდეც. იმის გაათვალისწინებით, რომ შეიძლებოდა გერმანიასთან ფრის მიღწევა და ჰოლანდიასთან ფაქტიურად მოგებული თამაში დავთმეთ, ალბათ ათეულშიც შევიდოდით?
obcheli
02:16 22-01-2016
0
რას ულოცავთ,ვერ ვხვდები გამაგებინეთ რა...
erihaa
20:32 21-01-2016
0
გილოცავთ ბიჭებო,გახარეთ, სულ გამარჯვებებით გევლოთ.
gizog
17:52 21-01-2016
0
ვულოცავ ყველას ვისი შრომითაც მიიღწია ეს შედეგი, განსაკუთრებით მწვრთნელებს და სპორცმენებს
ლევანი
15:53 21-01-2016
0
ამათ ფიზიკური მომზადება რომ ჰქონდეთ, გაცილებით უკეთეს შედეგს დადებდნენ
ბბ
15:25 21-01-2016
0
სიახლეები პოპულარული