შეფილდის უნივერსიტეტმა საინტერესო გამოკვლევა ჩაატარა, რომლის მეშვეობითაც მეცნიერებმა ფორმულა 1-ის ისტორიაში საუკეთესო პილოტი გამოავლინეს. მკვლევარებმა შეიმუშავეს სტატისტიკური მოდელი, რომელიც უშუალოდ მრბოლელების გამოსვლის შეფასების საშუალებას იძლეოდა და ამასთან, მინიმუმამდე იყო დაყვანილი შედეგებზე გუნდების ძალის გავლენა.კვლევის შედეგად, პირველი ადგილი დაიკავა მსოფლიოს ხუთგზის ჩემპიონმა, არგენტინელმა ხუან მანულ ფანხიომ. მეორეზეა - ფრანგი ალენ პროსტი, მესამეზე - ჯიმ კლარკი. მოქმედ პილოტებს შორის, საუკეთესო აღმოჩნდა ესპანელი ფერნანდო ალონსო - მეხუთე.
ბრაზილიელმა აირტონ სენამ კი, რომელიც ხშირად უდგას სათავეში ასეთ რეიტინგებს, მეოთხე ადგილი დაიკავა. რაც შეეხება
საინტერესოა, რომ 100 საუკეთესოს შორის ვერ მოხვდა მსოფლიოს სამგზის ჩემპიონი, ავსტრიელი ნიკი ლაუდა, სამაგიეროდ, კრისტიან ფიტიპალდი, რომელსაც ფორმულა 1-ში მხოლოდ 12 ქულა მოუპოვებია, მე-11 ადგილზე გავიდა.
"ეს პილოტები სხვა გუნდებში რომ ყოფილიყვნენ, მათი მაჩვენებლები სხვანაირი იქნებოდა", - აღნიშნა უნივერსიტეტის წარმომადგენელმა ენდრიუ ბელმა.
ყოველდღიური სპორტული გაზეთი "ლელო"
