არასრულწლოვანთა N11 სარეაბილიტაციო დაწესებულებაში, ვეტერანი და სუპერლიგის კალათბურთელების მონაწილეობით, ამხანაგური მატჩი გაიმართა.ღონისძიება სასჯელაღსრულებისა და პრობაციის სამინისტროს ინიციატივით, არასრულწლოვანი მსჯავრდებულების რეაბილიტაცია-რესოციალიზაციის მიზნით განხორციელდა.
საკალათბურთო მატჩს პენიტენციური დეპარტამენტის ხელმძღვანელი ზვიად მიხანაშვილი და კალათბურთის ფედერაციის პრეზიდენტი მიხეილ გაბრიჩიძე დაესწრნენ.
პენიტენციური დეპარტამენტის ხელმძღვანელის, ზვიად მიხანაშვილის განცხადებით, მსგავსი აქტივობების განხორციელება მსჯავრდებულების/ბრალდებულების რეაბილიტაცია-რესოციალიზაციისთვის მნიშვნელოვანია, განსაკუთრებით კი, არასრულწლოვნებისთვის.
"არასრულწლოვნებს განსაკუთრებული მოპყრობა სჭირდებათ. ამიტომ ღონისძიებას ერთჯერადი სახე არ ექნება და მომავალშიც აუცილებლად გაგრძელდება. კედელი, რომელიც აქ არის აღმართული. ძალიან მალე დაინგრევა და ისინი გარეთ საზოგადოების სრულფასოვან წევრებად
კალათბურთის ფედერაციის პრეზიდენტის, მიხეილ გაბრიჩიძის თქმით, ფედერაცია სასჯელაღსრულებისა და პრობაციის სამინისტროსთან აქტიურ თანამშრომლობას მომავალშიც გააგრძელებს.
როგორც გაბრიჩიძემ განმარტა, უახლოეს პერიოდში არასრულწლოვანთა N11 სარეაბილიტაციო დაწესებულებაში კალათბურთში ტურნირი ჩატარდება, გამარჯვებულ გუნდს კი შესაძლებლობა ექნება, საქართველოს სუპერლიგის ფინალურ მატჩს დაესწროს.
"ჩვენ გვაქვს სურვილი და მზადყოფნა, არასრულწლოვან მსჯავრდებულებს მასტერკლასი ჩავუტაროთ. უხლოეს მომავალში შევადგენთ გეგმას სამი-სამზე კალათბურთში ჩემპიონატის ჩასატარებლად, შეჯიბრებაში გამარჯვებულ გუნდს კი საქართველოს ჩემპიონატზე დასწრების შესაძლებლობა ექნება", - განაცხადა მიხეილ გაბრიჩიძემ.
კალათბურთის ფედერაციის წარმომადგენლებმა არასრულწლოვანთა N11 სარეაბილიტაციო დაწესებულებაში სტუმრობისას შენობაში არსებული ზოგადსაგანმანათლებლო სკოლა და ბიბლიოთეკა დაათვალიერეს.
ღონისძიების დასასრულ, სპორტსმენებმა არასრულწლოვან მსჯავრდებულებს საჩუქრად ბურთები და მაისურები გადასცეს.
მომზადებულია gbf.ge-ს მიხედვით
