გიორგი შერმადინისა და ბექა ბურჯანაძის "ანდორამ" ისტორიულ გამარჯვებას მიაღწია. 15 იანვარს, ამ გუნდმა ჩემპიონატის მე-17 ტურის შეხვედრაში "ბეტისს" უმასპინძლა, მეტოქე ანგარიშით 95:69 დაამარცხა და ამ გამარჯვებით ესპანეთის სამეფო თასზე ასპარეზობის უფლება მოიპოვა.
თასზე, ჩემპიონატის შედეგების მიხედვით, პირველი წრის საუკეთესო რვა გუნდი მიიღებს მონაწილეობას. სადღეისოდ კი ანდორელებს 9 მოგება, 7 წაგება აქვთ და სატურნირო ცხრილში მერვეები არიან.
11 მოგებით მეხუთე პოზიციაზეა თორნიკე შენგელიას "ბასკონია", რომელმაც ამავე ტურში შინ "ბილბაოს" ანგარიშით 84:63 სძლია.
"ანდორას" გამარჯვებაში ლომის წილი გიორგი შერმადინს მიუძღვის, რომელმაც 22 ქულა და 11 მოხსნა მოაგროვა. მან 8-დან 8 ორქულიანი და 11-დან 6 საჯარიმო ჩააგდო, მარგი ქმედების კოეფიციენტი კი 33 ჰქონდა.
გიორგის თანაგუნდელმა ბექა ბურჯანაძემაც თავისი წვლილი შეიტანა გამარჯვებაში: 9 წუთში 6 ქულა, 3 მოხსნა, 1 პასი.
რაც შეეხება ბასკონიელ შენგელიას, მან 17 წუთში 5 ქულა და 2 მოხსნა გაიფორმა.
(იბეჭდება მცირე ცვლილებით)
ყოველდღიური სპორტული გაზეთი "ლელო"
12:18 16-01-2017
გიორგი შერმადინის ეფექტური დუბლი და "ანდორა" სამეფო თასზე [VIDEO]
AutoSharing Option
ასევე დაგაინტერესებთ
![შერმადინის 21 ქულა - "ტენერიფე" ჩემპიონთა ლიგის ფინალში გავიდა [VIDEO]](/pictures/image7/17a2a2c408ace74e152d3af47309c69c.jpg "შერმადინის 21 ქულა - \"ტენერიფე\" ჩემპიონთა ლიგის ფინალში გავიდა [VIDEO]")
!["ვირტუსმა" "რეჯინა" ბრძოლაში დაამარცხა, შენგელია კი მატჩის MVP გახდა [VIDEO]](/pictures/image7/e124a4149e6cdf70d082fa0cc70c9170.jpg "\"ვირტუსმა\" \"რეჯინა\" ბრძოლაში დაამარცხა, შენგელია კი მატჩის MVP გახდა [VIDEO]")
უძრავი ქონება
სიახლეები
პოპულარული
ფიზიკურად გაძლიერება და ნბა-ში უნდა წ ა ვ ი დ ე ს !