გიორგი შერმადინის "ლენოვო ტენერიფე" ფიბა-ს ჩემპიონთა ლიგის ოთხთა ფინალში გავიდა. ტენერიფელებმა მეოთხედფინალური სერიის მესამე, გადამწყვეტ მატჩში თურქული "თოფაში" 78:55 გაანადგურეს და ოთხთა ფინალის საგზური ზედიზედ მე-3 წელია მოიპოვეს.ამ წარმატებაში სოლიდური წილი ქართველ ცენტრს მიუძღვის, რომელიც მატჩის ერთ-ერთი საუკეთესო იყო. შერმადინი თამაშში სათადარიგოთა სკამიდან ჩაერთო და მოედანზე 23:35 წუთი გაატარა. საქართველოს ნაკრების ცენტრმა 7-დან 5 ორქულიანი და 3-დან 2 ორიანი ჩააგდო. შერმადინის ანგარიშზე 12 ქულა, 7 მოხსნა, 1 პასი და 1 ჩაჭრა დაგროვდა. მასზე მეტი ქულა (13) მარსელინიო უერტასმა ჩააგდო,
ოთხთა ფინალი, რომელშიც 3 ესპანური გუნდი გავიდა, 26 და 28 აპრილს სერბეთის დედაქალაქ ბელგრადში გაიმართება. ერთ წყვილში ესპანური დერბია: "უნიკახა" "მურსიას" 26 აპრილს დაუპირისპირდება. ამავე დღეს "ტენერიფე" ბერძნულ "პერისტერს" შეხვდება, რომელმაც მეოთხედფინალიდან მოულოდნელად მოქმედი ჩემპიონი, გერმანული "ბონი" გამოაგდო.
GBF.GE
![alt](/pictures/image50/99a30141b978cbdc1862115aba031220.jpg "შერმადინის "ტენერიფე" ჩემპიონთა ლიგის ოთხთა ფინალში გავიდა")
გიორგი შერმადინი ესპანური ლიგის 29-ე ტურის საუკეთესო მოთამაშე გახდა
![შერმადინის 21 ქულა - "ტენერიფე" ჩემპიონთა ლიგის ფინალში გავიდა [VIDEO]](/pictures/image7/17a2a2c408ace74e152d3af47309c69c.jpg "შერმადინის 21 ქულა - \"ტენერიფე\" ჩემპიონთა ლიგის ფინალში გავიდა [VIDEO]")
