წყნარი ოკეანის თამაშების ორგანიზატორები იუწყებიან, რომ შეჯიბრების დროს დამყარდა რეკორდი ოფიციალურ საერთაშორისო საფეხბურთო მატჩებში შედეგიანობის მხრივ. საუბარია ფიჯისა და მიკრონეზიის ნაკრებთა შეხვედრაზე, რომელიც ფიჯელთა გამარჯვებით, ანგარიშით 38:0 დასრულდა. ცნობისთვის, 10 გოლი ფიჯელმა მცველმა ანტონიო ტუივუიმ გაიტანა.
აღსანიშნავია, რომ მიკრონეზიის ნაკრების მთავარმა მწვრთნელმა პირველი ტაიმის შემდეგ, რომელშიც 21 გოლი გავიდა, მეკარე შეცვალა - ოღონდ ნახევარმცველით. თუმცა, ვერც ამ არასტანდარტული ნაბიჯით გადაურჩა გოლების წვიმას - მიკრონეზიის კარში მეორე ტაიმში კიდევ 17 გოლი გავიდა.
სავარაუდოდ, ფიფა ფიჯი-მიკრონეზიის თამაშის შედეგს
საფეხბურთო მატჩებში შედეგიანობის მხრივ ოფიციალური რეკორდი კი 2001 წელს დამყარდა, როდესაც მსოფლიოს ჩემპიონატის საკვალიფიკაციო ეტაპზე ავსტრალიის ნაკრებმა ამერიკის სამოას ანგარიშით 31:0 სძლია.
