მიუნხენის "ბაიერნის" ყოფილმა მთავარმა მწვრთნელმა ფელიქს მაგათმა გუნდის ამჟამინდელ თავკაც ხოსეპ გვარდიოლას ურჩია, არცთუ დიდად ენდოს კლუბის ხელმძღვანელთა დაპირებებს. მაგათს მხედველობაში ჰქონდა საკითხი, რომელიც გერმანულ გრანდსა და ესპანელ სპეციალისტს შორის კონტრაქტის გახანგრძლივებას ეხება. "ბაიერნის" სამეთვალყურეო საბჭოს თავმჯდომარე კარლ-ჰაინც რუმენიგემ უკვე არაერთგზის აღნიშნა, რომ კლუბს ძალიან სურს გვარდიოლასთან თანამშრომლობის კიდევ უფრო გახანგრძლივება. პეპს მიუნხენელებთან ამჟამინდელი კონტრაქტი 2016 წლამდე აკავშირებს.
"მაშინ რუმენიგე მეც მეუბნებოდა, რომ კონტრაქტს სიცოცხლის ბოლომდე გამიფორმებდა, მაგრამ ნახევარი წლის შემდეგ კარისკენ მიმითითეს. ასე რომ, გვარდიოლა ფრთხილად უნდა იყოს", -
