საქართველოს ეროვნული ნაკრების მეკარე გიორგი ლორია კარიერას კვლავაც რუსეთის პრემიერლიგის კლუბში, სამარის "კრილია სოვეტოვში" გააგრძელებს. გიორგიმ კონტრაქტის გახანგრძლივებისთვის საჭირო დოკუმენტებს ხელი დღეს, 28 ივნისს, კლუბის ბაზაზე მოაწერა."არ დავმალავ - მოხარული ვარ, რომ თამაშს "კრილიაში" გავაგრძელებ. სამარაში თავს კომფორტულად ვგრძნობ. აღვნიშნავ, რომ ჩემთვის მნიშვნელოვანია მქონდეს პროგრესი, როგორც ფეხბურთელს და ახალ სიმაღლეებს მივაღწიო. "კრილიაში" საამისოდ ყველა პირობაა და დარწმუნებული ვარ, ყველაფერი კარგად იქნება. მე მზად ვარ, საერთო წარმატებისთვის მაქსიმუმი გავიღო", - აქვეყნებს ლორიას ნათქვამს სამარული კლუბის ოფიციალური საიტი, რომელიც ახალი კონტრაქტის
შეგახსენებთ, რომ გიორგი ლორია რუსულ კლუბში შარშან შემოდგომაზე ჩაირიცხა. 30 წლის ქართველმა მეკარემ წინა სეზონში გუნდის მაისურით 14 მატჩი ჩაატარა და 13 გოლი გაუშვა. მანამდე ლორია ბერძნული "ოფისა" და თბილისის "დინამოს" ღირსებას იცავდა. ეროვნული გუნდის მაისურით მას 34 შეხვედრა აქვს ჩატარებული.
"კრილია სოვეტოვმა" 2015/16 წლების რუსეთის პრემიერლიგის სეზონი მე-9 ადგილზე დაასრულა.
