24 თებერვალს, პორტუგალიის ჩემპიონატში მორიგი მატჩი ჩაატარა საქართველოს ნაკრების მეკარე გიორგი მაკარიძემ. მისი გუნდი "მორეირენშე" XXIII ტურის შეხვედრაში სტუმრად "ვიტორია გიმარაეშს" დაუპირისპირდა და მინიმალური ანგარიშით დამარცხდა - 0:1.სტუმართა კარში ქართველი გოლკიპერი იდგა, თუმცა თავისი გუნდი 34-ე წუთზე გაშვებული გოლისგან ვერ იხსნა.
"მორეირენშეს" 19 ქულა აქვს და პორტუგალიის ჩემპიონატის სატურნირო ცხრილში გასავარდნ ზონასთან ახლოს, მე-16 ადგილზეა.
