5 მაისს ფიფას ახალი სანაკრებო რეიტინგი გამოქვეყნდა, სადაც საქართველოს ნაკრები კვლავინდებურად 123-ე ადგილზეა.შეგახსენებთ, რომ ბოლოს ფიფას რეიტინგი 7 აპრილს განახლდა და მაშინაც ნაკრები ამ ადგილზე იყო. მარტში ჩვენმა ნაკრებმა ახალი მთავარი მწვრთნელის, ვლადიმირ ვაისის ხელმძღვანელობით პირველი ამხანაგური მატჩი ყაზახეთის ნაკრებთან გამართა. შეხვედრა ფრედ, ანგარიშით 1:1 დასრულდა. მას შემდეგ საქართველოს ნაკრებს არ უთამაშია.
რეიტინგს ისევ არგენტინის ნაკრები ლიდერობს, ბელგია - მეორეა, ხოლო მესამე - ჩილე.
ჩვენი ნაკრები მაისის ბოლოს გაემგზავრება ავსტრიულ შეკრებაზე, სადაც 28 მაისს ევროპის ჩემპიონატის მონაწილე სლოვაკეთს გაეჯიბრება.
წარმოგიდგენთ საუკეთესო ათეულს, რომელშიც ბოლო თვეში ცვლილება არ მომხდარა:
1. არგენტინა - 1532
2. ბელგია - 1364
3. ჩილე - 1353
4. კოლუმბია - 1337
5. გერმანია - 1309
6. ესპანეთი - 1277
7. ბრაზილია - 1261
8. პორტუგალია - 1184
9. ურუგვაი - 1158
10. ინგლისი - 1069.
