პოზიცია: შუა მდინარეში ცხენებს არ ცვლიან...

AutoSharing Option
ლევან კობიაშვილის ბრიფინგმა ყველა "ჰოს" და "არას" წერტილი დაუსვა. კახა ცხადაძე საქართველოს ნაკრების მწვრთნელი აღარ იქნება. ეს საკითხი აღმასკომზე გავა და აღმასკომიც ხელს ასწევს...

ჯერ კიდევ ნოემბერში "ლელოს" ყურამდე მოაღწია ხმამ, რომ ფეხბურთის ფედერაცია მთელი სამწვრთნელო ვერტიკალის შეცვლას გეგმავდა. ამ ხმებით ბევრი რამ არ ჯდებოდა ლოგიკაში, მაგრამ დღეს ეს უკვე რეალობაა...

აქ პრობლემა მარტო ის არ არის, რაც უშუალოდ ცხადაძესა და ფეხბურთის ფედერაციას შორის მოხდა. ასაკობრივი ნაკრებებიც არ უნდა დაგვრჩეს განზე. ესეც სამსჯელო თემაა...

ფეხბურთის ფედერაცია თითოეული მწვრთნელისგან ითხოვს შედეგს და ახალი მოდელით აპირებს მათი შრომის ანაზღაურებას - ანუ მთავარი კრიტერიუმია შედეგი. ხელფასი პლუს ბონუსი, იმის გათვალისწინებით, თუ რას მიაღწევს ესა თუ ის მწვრთნელი. ძალიანაც კარგი და ვფიქრობ, მოუხდება კიდეც საქმეს. რა უნდა იყოს ამაში ცუდი და მიუღებელი?

მაგრამ ჯერ გასარკვევია, რა სტანდარტებითა თუ კრიტერიუმებით ხელმძღვანელობს ფეხბურთის ფედერაცია? შევთანხმდეთ, რომ ეს კრიტერიუმები და სტანდარტები ყველასთვის ერთი უნდა იყოს. ასე არ არის?

ჰოდა, საინტერესოა, რატომ არ გაითვალისწინეს ეს ყველაფერი 17 და 19-წლამდელთა მწვრთნელების მაგალითზე? რა, არ ჰქონდათ შედეგი გოჩა ავსაჯანიშვილსა და ვასილ მაისურაძეს? მაშ, რატომ შეცვალეს ისინი ზედ ელიტრაუნდების წინ? სად არის აქ ლოგიკა?

ეს კითხვები, ჯერჯერობით, უპასუხოდაა - არანაირი წონადი არგუმენტი! მთავარი შედეგიაო და, ამ ცვლილებების გამო, თქვენც მოგეთხოვებათ პასუხი, ბატონებო! შედეგი თქვენმა გადაწყვეტილებებმაც უნდა მოიტანოს.

დავუშვათ და, ორივე ნაკრები რომ ჩაფლავდეს მოახლოებულ ელიტრაუნდებში (რაშიც ყველაზე ნაკლებად იქნებიან დამნაშავენი ვასილ მაისურაძე და გიორგი ყიფიანი) საინტერესოა, რა ფორმით აგებთ პასუხს? გადადგებით?

ჩემი მხრიდან გპირდებით - თუ შედეგი იქნა (ნეტავ!), პირველი ვიქნები, ვინც იტყვის, რომ მართლები იყავით ამ გადაწყვეტილებებში.

რაც შეეხება ცხადაძეს. უნდა თუ არა, მართალია თუ არა, ფედერაცია ვერ ასცდება ეჭვს, რომელიც ღრღნის გულშემატკივარს (თუ არ გჯერათ, გადით და ჰკითხეთ ნებისმიერ მათგანს) - რომ "ცხადაძე არ იყო ამათი "სასტავის" კაცი", რომ "მას განგებ დაუდეს ისეთი პირობები, რასაც კონტრაქტის მოქმედების პერიოდში ალბათ არცერთი მწვრთნელი არ დათანხმდებოდა", რომ "აიძულებენ, წავიდეს და ახლა მოიყვანენ "თავიანთ კაცს" და ასე შემდეგ...

ეს ეჭვები თავადვე გააღრმავა ფედერაციამ, როცა ახალგაზრდული ნაკრების მწვრთნელის პოსტი ვაკანტური დატოვა და ცხადაძის თავზე "დამოკლეს მახვილივით" ჩამოჰკიდა...

ვერავინ იტყვის, რომ ცხადაძის ნაკრები ვარსკვლავებს წყვეტდა და არა მგონია, ამის ილუზია თავად ცხადაძესაც ჰქონდეს. მაგრამ დემორალიზებული გუნდი რაღაცნაირად დალაგდა, უფრო მეტად - მოედანს მიღმა, ვიდრე - მოედანზე, მაგრამ მაინც. ვფიქრობ, პოზიტივი გაცილებით მეტი იყო, ვიდრე ნეგატივი

ახლა წარმოვიდგინოთ, "იმ" კაცის მდგომარეობა, ვინც ნაკრების სათავეში უნდა მოვიდეს. რა უნდა მოასწროს? ალბათ, ორი ამხანაგური მატჩი მაის-ივნისში, სექტემბრიდან კი უკვე შესარჩევი ციკლი იწყება.

არ ვარ ადვოკატი არც ერთი მწვრთნელის. არც მათ სახელფასო უწყისებში ვიქექები. მით უმეტეს, ძალზე რთულია აქ რაიმე სტანდარტზე მსჯელობა - ბევრს იღებს თუ ცოტას. გააჩნია, ვის რამდენად უღირს თავისი სამუშაო და ვის რამდენი ემეტება ამ სამუშაოს ანაზღაურებისთვის.

აქ ლაპარაკია მიდგომაზე, პრინციპზე - დღეს, ამ მოცემულ მომენტში, მწვრთნელის კონტრაქტის გადახედვა (რაც ბუნებრივად დისკომფორტს უქმნის მას და წნეხში აქცევს) სწორედაც რომ პრინციპულად არასწორია. მერე, კი ბატონო! როცა დავითვლიდით წიწილებს 2017 წლის შემოდგომაზე...

ეროვნული ნაკრები სათუთი სფეროა, მით უმეტეს, საქართველოში. ეს არის საფეხბურთო პირამიდის კენწერო და მისი ინტერესები პირველ რიგშია გასათვალისწინებელი. საერთოდ, ქირურგიული ჩარევა ხდება მაშინ, როცა ეს გადაუდებელი აუცილებლობაა. ვფიქრობ, ეს აუცილებლობა ცხადაძის შემთხვევაში არ დამდგარა.

ფეხბურთის ფედერაციას პატივი უნდა ეცა მწვრთნელის მოქმედი კონტრაქტისთვის და მხოლოდ ახალი შესარჩევი ციკლის მიხედვით გადაეხედა მისთვის, ან შეეწყვიტა, ან ნაკუწებად ექცია თუ რაც გნებავთ ის...

ცხადაძემ რაღაც დათმო (ვინმესთვის თუ ცოტა იყოს ეს, სხვა საქმეა), უნდა დაეთმო ფედერაციასაც...

იმიტომ, რომ ის კარნახობს პირობებს და ბერკეტებიც მის ხელშია...

იმიტომ, რომ დღეს ცხადაძე მისი შეგირდებისა თუ გულშემატკივრების თვალში "დაჩაგრული კაცია", ხალხი კი, მისი ბუნებიდან გამომდინარე, თითქმის ყველა შემთხვევაში დაჩაგრულის მხარეს დგება...

იმიტომ, რომ დღეს ეს აურზაური და ნაკრების გარშემო წყლის ამღვრევა, პირველ რიგში, თავად ფედერაციას არ უნდა აძლევდეს ხელს...

იმიტომ, რომ მათი საქმიანობაც რაღაც ეტაპზე შეფასდება და შეფასდება სწორედ ნაკრების შედეგებით...

იმიტომ, რომ შუა მდინარეში ცხენებს არ ცვლიან...

პაატა გელაშვილი
ყოველდღიური სპორტული გაზეთი "ლელო"
You must have Flash Player installed in order to see this player.
ლოცვა და მამაოების დაფინანსება რო სჰველოდეს სახემციფოს მაშინ ამერიკაში ცატაბჯენების მაგივრად სულ ეკლესიები უნდა იყოს რიტი მიაგწიენ ყველაფერში წარმატებას ერტმანეტს გვერDში დაუდგნენ და ერთად ააშენენ სულ რამდენიმე საუკუნეში ცჰვენ და ცჰვენს ფეხბურთს ლოცვა გადაარჩენს..
ჩორნა
20:12 25-01-2016
0
შენ ალბატ მსაჯი ხარ აქ ყველას უნდა გაუკონტროლო სიტყვები, ეს ყველას არ ეხება რაც მე ვტქვი
ჩამოიყვანე აბა ბილიჩი თუ გაწვრტნის საქარტველოს. ეხა გაახსენდა ყველას რო მაგალი ხელფასია ტურმე, მერე სხვა მწვრთვნელი გვეთყვის კიდე 1-2 წელიო და მე, შენ და ყველა გულ შემატკივარმა დავჭამოთ ერთმანეთი ესაა ჩვენი რეალობა ავყვეთ პროვოკაციას, გადავაგდოთ ცხადაძე მოვიყვანოთ ახალი ვინმე მერე ახალად დავიწყოდ ყველაფერი ტავიდან კიდე ვიკამათოდ მე და შენ აქ,, და ჩვენ რას მივიგებთ ამითარაფერს დავენდურებით 2 გულშემატკივარი ერთმანეთს იმიტო რო თურმე ფედერაციას და სამინისტროს სულ ბოდიში მაგრამ კიდია მე და შენ რაზე ვისაუბრებთ,,ცხადაზეს რო გადაეკიდენ შენ გჯერა რო კობი 600 ლარზე მუშაობს ტუ სპორტის მინისტრი მუშაობს 600 ლარზე, ასე რო შემოგევლე ძამიკო ზოგადად ირი მნიშვნელობით ვთქვი მიმიტევე,, მაგრამ დროა გავიღვიზოდ და მაშტაბურად ვიფიქროდ და პროვოკაციას არ ავყვეთ..
ჩორნა
19:57 25-01-2016
0
ისე ეხლა რომ დავფიქრდი კობი და ცხადაძე შეიძლება ერთ აზრზეც იყვნენ, მაგრამ უბრალოდ ერთმანეთის ნალაპარაკებიდან დასკვნა ვერ გამოიტანეს:
კობი: კახა პრივეთ ხელფასი შენი მომატების პონტში რომ დავაკლოთ 50 პროცენტით ან კომპენსაცია რას იტყვი ?
ცხადი: არა მე უხელფასოდ კრედიტს ვფარავ და ეგრე არა, დაკლების შემთხვევაში მოსამატებილზე ამბობ ?
კობი: არ მაწყობს ეგრე !
ცხადი: მეც არ მაწყობს.

აი რაღაც ესეთი დიალოგი ექნებოდათ )))
ნიკა
19:52 25-01-2016
0
არა ჩორნა რაის მამაოებს მოაკლოს?! პირიქით მაგათ დაუმატონ და ვინმე ბორია მოვიყვანოთ და ამათმა დალოცონ )))
ნიკა
19:48 25-01-2016
0
ჩორნა შენ ბრატ სიტყვები გაფილტრე თორემ მართლა გაქცევ დაუნად. თუ კამათში შემოდიხარ ზრდილობიანად გვიპასუხე კომენტარებში. თუ შარზე ხარ არც ეგაა პრობლემა, ბევრისთვის გვისწავლებია ჭკუა და დაწერე შენი მობილურის ნომერი.
რაც შეეხება ხელფასებს, შენ შეიძლება არ ხარ ღრმად ჩახედული სახელფასო სისტემაში. ხორვატიის ნაკრების მწვრთნელს სლავენ ბილიჩს ქონდა 30 ათასი ევრომდე ხელფასი, წლიური 300 000 ევრო. ასევე სრეჩკო კატანეცს 20 000 ევრო ქონდა სლოვენიის ნაკრებში. ასევე დუშან უჰრინ უფროსს წლიური 250 000 ევრო ქონდა. ჩორნა ეხლა არ მითხრა ცხადაძე კვალიფიკაციით ბილიჩზე, კატანეცზე, უჰრინზე უფრო მაგარი მწვრთნელიაო.
georgian
18:57 25-01-2016
0
1. ცხადაძის დონის მწვრთნელების საშუალო სახელფასო სპექტრი იცის ვინმემ ?
2. ვთქვათ ცხადაძე დათანხმდა რაღაც ხელფასს, მეტს ან ნაკლებს (სულერთია) - მან ამ შემოსავლებით დაგეგმა საკუთარი ბიუჯეტი და ეხლა ვიღაც ტიპი (რომელმაც აქამდე მხოლოდ კარგი სპორტსმენობით დაგვამახსოვრა თავი) ეუბნება მე სხვა სისტემა მაქო. იქნებ ეს კაცი როგორც სპორტსმენი კარგია მაგრამ როგორც მენეჯერი მეორე კალაძე აღმოჩნდება )))
3. ამდენი თუ მოიკლო ბარემ იმდენიც მოეეკლოო რომ ამბობენ, ცოტა უცნაურია. მე მიხდის უცხოური კომპანია 100 000 დოლარს და ვთქვათ თანახმა ვარ საქართველოს ხათრით 70 000 დოლარზეც ვიმუშავო. მოდი ბარემ 25 000 იმუშავე რა იმიტომ რომ საქართველოში საშუალო ხელფასი 600 ლარიო და იმყოფინებ მაგ ხელფასსო რომ მეტყვიან სასაცილო არ არის ? კობიაშვილი რატომ არ თამაშობდა დინამოში უფრო დაბალ ხელფასზე ? წამოსულიყო და ბოლო 5 წელი პატრიოტული სულისკვეთების ხარჯზე დინამოში ეთამაშა )))) რატო რა ქართული საქმე არ იქნებოდა ეგ. ცხადაძემ თვითონ განსაზღვრა ის მაქსიმუმი რაც მსხვერპლად გაიღო და მოვიდა. ამათმა კიდევ მიდი რა კიდე დაიკელიო. რა კაცია კობი))) სად ასწავლეს ეგ ნეტავ.
4. და კიდევ ვინმე გეგუჩაძე რომ დათანხმდეს ეხლა 600 ლარად მუშაობას კობი გვეტყვის კი ჩამოვცდით ზიმბაბვეს რეიტინგში მაგრამ წელიწადში ეს საქმე სულ რაღაც 7 200 ლარი დაგვიჯდაო.
5. მეზობელი მყავს ბორია, მაგრად ერკვევა ფუდბოლში და თანახმა 1 ბოთლ ლუდსა და 500 გრამ არაყზე იმუშავოს დღეში (შპროტს თვითონ გააძრობს). ხო რა ბორიას რომ უსაქმურია და არაფერს აკეთებდა აქამდე მაგის გამოა საშუალო ხელფასი 600 ლარი და მაგიტომ ჩანს ცხადაძის ასეთი კოსმიური.
ნიკა
18:45 25-01-2016
0
კაი რა მაგას ჯობია იმ მამაოებს მიაკლოს ბიუჯეტმა ფული პრადოებით და ლექსუსებით რო დადიან 4 ბინას რო აქირავებენ ევრო რემონთით. არა მომავალ მწვრთნელს 5 ატასი ლარი დაუნიშნეთ და ლეგიონერ ფეხბურთელებს პირველ არხზე უყურებს,, ჯობია თვალი გაახილოთ და პროვოკაციას არ აყვეთ, კობი შენც გიყიდენ საგოლ..
ჩორნა
18:27 25-01-2016
0
ავანსი არასდროს დაგჭირვებიათ სამსახურიდან, ან კიდე რა დაუნი მკითხველი იჩითება 100 000 ლარს ღებულობს ხელზე ანუ 25 % იკლებს გამოვიდა 75 ათასი ლარი. ლარი ადამიანებო ლარი გესმით,რომელი ქვეყნის მწვრთნელს ააქვს 30 000 დოლარი მხოლოდ კაი რა..
ჩორნა
18:24 25-01-2016
0
კობი, მხარს ვუჭერთ შენს რეფორმებს, კიდევ მეტი წინააღმდეგობა შეგვხვდება გზაზე, ღმერთმა გაგაძლიეროს და შეგაძლებინოს ქართული ფეხბურთის ამ წუმპიდან ამოყვანა.
პანტელეიმონი
18:01 25-01-2016
0
tato:
ტატო ნაწილობრივ მესმის შენ რასაც ამბობ, მაგის გამო დომენტიმ უნდა აგოს პასუხი ჩვენი ქართული რეალობიდან გამომდინარე ასეთი არაადეკვატური ხელფასი რომ დაუნიშნა ცხადაძეს. აწყობილ ქვეყანაში ამ მიზეზით მწვრთნელს არ უშვებენ.
ცხადაძეს კრისტალობაზე კიდევ, 100 000 დოლარი სესხის აღება რას ნიშნავს??? ფედერაციაა თუ ბანკი??
თვითონ ცხადაძეს არ უნდა ეკადრებინა ისედაც გაღლეტილი ფედერაციიდან 100 000 დოლარის აღება. მით უფრო 100 000 ლარს იღებდა ხელფასს. მაგრამ პრობლემა იცით რაშია? ცხადაძე არის უბედური მოთამაშე, ათასებს აგებს კაზინოში და მომიტევეთ მაგრამ ცხადაძის კაზინოებს ჩვენი ქვეყნის ბიუჯეტი ვერ აუვა!
georgian
17:00 25-01-2016
0
გაასაჯაროვოს ცხადაძემ თავისი ხელფასი ბაქოში მას იქ ბევრად ნაკლები ჰქონდა ვიდრე აქ ითხოვს, ბლეფია თითქოს იქ 5-ჯერ მეტი ჰქონდაა ნუ ტყუიხართ.
მერაბი
16:29 25-01-2016
0
დათოს-ს,
აქ კონკრეტულ ცხადაძის თემაზეა საუბარი, თორემ ყველა რომ ყვლეფს ამ საცოდავ ბიუჯეტს მინისტრიან, პარლამენტარიან და ა.შ. კი ვიცით...
bebe
16:05 25-01-2016
0
ცხადაძე ნებისმიერ შემთხვევაში მართალია. მას აქვს გაფორმებული ხელშეკრულება, რომელიც განსაზღვრავს მხარეთა პასუხისმგებლობას. თანხა არის ფიქსირებული, შესაბამისად, უნდა გადაუხადონ. ბევრი და ცოტა არ არსებობს, არსებობს ვალდებულება. რა თქმა უნდა, მთავარი ფულია. სადაც მეტს გიხდიან, იქ წახვალ. თავიდანვე გამიკვირდა, რატომ დათანხმდა საქართველოსი უარეს პირობებს, როცა აზერბაიჯანში ბევრად უკეთეს პირობებში მუშაობდა.
თენგო
16:02 25-01-2016
0
კატეგორიულად ვერ დავეთანხმები იმ აზრს თითქოს ხელფასს რომელსაც ცხადაძეს სთავაზობდნენ ცოტაა და მეტს იმსახურებს.ცხადაძეს მშვენიერ პირობებს სთავაზობდნენ და თქვა უარი და ახლა იქით ედავება რაღაც რაღაცეებს.კაცი რომელიც ფედერაციასთან და სპორტის სამინისტროსთან საერთოს ვერ ნახავს და ამის მერე .... ლაპარაკობს და რას ლაპარაკობს კიდევ, ვერაფერს რომ ვერ გაიგებ, ის კაცი გასაჩერებელი არაა.თუ არ გინდა წადი, რაა აქ ამდენი სალაპარაკო. უნდა ილაპარაკოს შედეგებმა.შედეგი კი მაინც ნულია.ის შედეგი რაც ნაკრებმა ბოლო 15 წელიწადში დადო დაახლოებით 30 მილიონი დაჯდა. შედეგი კი როგორც ზევით აღვნიშნეთ ნულია. იცით რატომ იმიტომ, რომ საქართველოში მწვრთნელი კი არ არის პრობლემა, პრობლემა მაღალი დონის ფეხბურთელების დეფიციტშია. ჩვენ კი ამხელა ფული ხელფასებში გავუშვით.ამ Fულის ნახევარიც რომ ბავშვთა ფეხბურთში ჩაგვედო სხვა სურათი გვექნებოდა. მოკლედ საფეხბურთო პოლიტიკაა შესაცვლელი.
0
ჩემი აზრით (ყოველშემთხვევაში ასე ჩანს გარედან) ცხადაძე ეწირება კალაძე, კობიაშვილი, ხეჩიკაშვილის დაუცხრომელ მადას. ყველა დეტალი ამაზე მიანიშნბს. კარგი ჩავთვალოთ რომ არასწორი კონტრაქტი აქვს და არასწორ თანხებს იღებს (რაც უბრალოდ ძალიან სასაცილოა იგივე თუნდაც აზერბაიჯანის ან სომხეთის ხელფასებტან მიმართებაში) მაგრამ ეს კონტრაქტი მას გაუფორმა ფედერაციამ თუნდაც წინამ და რა ცხადაძის ბრალია ეხლა თუ ფედერაცია სხვაგან უბერავს? კაცმა დაახლოებით 4-5 ჯერ მაღალი ხელფასი დატოვა და ამ წუწიანი (სხვა ეპითეტის ხმარება ჯერ-ჯერობით არ შეიძლება) ნაკრების მწვრთნელობა გადაწყვიტა რომ იქნებ რამე გამოადნოს. ცხადაძის ბრალეულობა ვინმემ მითხარით რა რატომ უნდა დაიკლოს ხელფასი? ვინმემ რამე დაუსახა და ვერ მიაღწია? წინასწარ რატო უნდა დაიკლოს ხელფასი? აი თუ ვერ გავიდა მე-3 ადგილზე გუნდი მერე ორი ხელით მივესალმები ხელფასის დაკლებას მაგრამ ეხლა რატო? ვინმემ მიზეზი ამიხსენით რა.
dadu
15:36 25-01-2016
0
georgians

კი ძმაკაც გეთანხმები 50 ატასი ლარი მშვენიერია და მეტიც არ უნდა მისცე, მაგრამ მედალს 2 მხარე აქვს. აი მაგალიტად შენ: მუსაობ, საქმე გაქვს აწყობილი, გაფასებევნ, პატივს გცემენ და გაძლევენ 100 ათას ლარს თვეში, წახვალ 50 ათას ლარზე სამუშაოდ????? დამიჯერე რასაც ნაკრებში აძლევენ ცხადაძეს იმაზე მეტი ჰქონდა ბაქოში, მაგრამ ცამოვიდა და დაიწყო მუშაობა და ეხლა ეუბნებიან ხელფასი უნდა გაგინახევროთო. სწორი საქციელია ეს????
tato
15:33 25-01-2016
0
ადმინ იმინა გამოიყვანე ცხადაძე მამა აბრამის ბატკანი , 50 000 ლარად არ შეიძლება ამ ქვეყანაში ცხოვრება ? სწორი არ უთხრეს, რაღაც 25 000 ლარზე წუწუნებს ორივე მხარე , იმის მაგივრად რომ ერთიანი საქმე აკეთონ ერთმანეთს ჭამენ როდისღა უნდა მორჩეს ეს ყველაფერი და ვიღაცამ საქმე აკეთოს , არც ისაა სწორი არც ეს მაგრამ ხო ჯერა თავის თავის დათანმხდეს და მერე აიღებს იმ თანხას რა პრობლემაა ერთი ვერ ვხვდები მე , კახა ჭუმბურიძემ სწორად უთხრა ეხლა ნუ აიღებ ეხლა გვიჭირს და მერე მოგცემთ რომელსაც კონტრაქტით უდასტურებენ , ისედაც ხალხს უჭირს და ამან 100 000 უნდა აიღოს, მეტიც აიღოს ოღონდ შედეგი ვნახოთ და მე თვითონ შევქმნი ფონდს რომ კახა ცხადაძეს ვალები გავუსტუმროთ...!!! აღარ შეიძლება დავიღალეთ ხალხი გაერთიანდნენ და ერთად საქმე ვაკეთოთ!!!
დავითი
15:13 25-01-2016
0
ასეთი მართვის პირობებში ვშიშობ ფეხბურთი ოდენ სტატისტიკურ ერთეულად შეგვრჩება. ცხადაძეს კი ქონია ასტრონომიული ხელფასი, მაგრამ ფედერაციას მაინც ცუდი სუნი უდის. კობიც არ მიყვეს ამ მორევს ერთ ორ წელიწადში.
რეზო
14:54 25-01-2016
0
თავიდან სანამ გასაჯაროვდებოდა ცხადაძის ფინანსური მხარეები, მეც არ ვამართლებდი კობიაშვილის პოზიციას. მაგრამ მას შემდეგ, რაც ცხადაძემ ჩემი პრიორიტეტი ფინანსებიაო, თან 50 ათასი ლარი ნორმალური ხელფასია(პლუს შედეგის შემთხვევაში ბონუსები).
ვინც აქ აპელირებთ ფეხბურთში არსებული არაადეკვატური ხელფასებით, გეტყვით რომ სლავენ ბილიჩს ხორვატიის ნაკრებში, ასევე სრეჩკო კატანეცს სლოვენიის ნაკრებში 20-30 ათასი ევრო ქონდათ ხელფასი, წლიური 300 ათასი ევრო.
ეხლა არავინ არ მითხრას რომ ცხადაძე ბილიჩი და კატანეცზე კვალიფიციური სპეციალისტია.
georgian
14:52 25-01-2016
0
@Zuras: ase martali komentari didi xania ar camikitxavs. sheveshvat pexburts, ar gvcodnia pexburtis tamashi da ak tsxadazde ikneba tu sxva ara akvs mnishvneloba.
Kobis - romelsac did pativs vcem ara mgonia rame gamouvides. bavshvebsac agar ainteresebt ukve pexburti... vaketot is rac shegvizlia
Gulshematkivari
14:46 25-01-2016
0
ეს არის კობის პირველი სერიოზული ტესტი ფედერაციის პრეზიდენტის რანგში. შევახსენებ გამოუცდელ პრეზიდენტს, რომ პიროვნების მენეჯერული ნიჭი ფასდება არა მარტო მისი განსწავლულობით (თუმცა, არ მგონია, რომ ეს კომპონენტი მომეტებულად ქონდეს კობის), არამედ მისი უნარით, კრიზუსულ სიტუაციაში იპოვოს ისეთი გადაწყვეწილება, რომელიც არ დააზიანებს, არც კომპანიას (ანუ ფედერაციას), არც იმ სუბიექტს, ვისთანას დაობს და საზოგადოებრივი აზრიც იქნება გათვალისწინებული. მე არ ვფიქრობ, რომ ცხადაძის გაშვება სწორი გადაწყვეტილებაა, მითუმეტეს, რომ კახას მხრიდან არის ძალიან სერიოზული ფინანსური დათმობა, ვიდრე ეს ხელშეკრულებითაა გათვალისწინებული. მრჩება შთაბეჭდილება, რომ ფედერაციის ახალ პრეზიდენტს, არა აქვს იმის განცდა, რომ ის ფედერაციის წინა ხელწძღვანელობის სამართალმემკვიდრეა და ვალდებულია სრულად დაიცვას მოქმედი კონტრაქტი. თუ ამ პროცესსს მოყვა სამართლებლივი დავა კომპენსაციის მოთხოვნის კუთხით, ფედერაცია აქ პირწმინდად წააგებს.
nikolozi
14:39 25-01-2016
0
avtor saidan mogdis eseti azrebi ro dachagrulia cxadadze da xalxi dachagrulsi mxaresaa? vicn sagad azrovenbs yvela mixvdeba ro cxadadze aris ... da daxamda m xelpas da samshoblos mogalatea qecbaias dros imitom aravin arigebda xmas ro nacxrova ikos ataveshi da azri ar konda ertad chamdnen cxadadzem daushva shecdoma da exla ketili inebos da tviton gadadges momindoma bichma gamdidreba ra unamuso
sandro
14:39 25-01-2016
0
bebe-ს

კი ძამიკო მეც გეთანხმები რომ საქართველოს ნაკრების მწრთვნელისთვის 60 ატასიც საკამირისია, მაგრამ ამ ყველაფერს ცხადაძის მდგომარეობიდან შეხედე: ცხადაძე წრთვნის აზერბაიჯანულ გუნდს, სადაც ძაან დიდ პატივს სცემენ და ამავე დროს დამიჯერე უფრო მეტი ხელფასი აქვს ვიდრე 35 ათასი ევრო თვეში, ტოვებს ამას ყველაფერს და მოდის საქართველოში მწრთვნელად და ეხლა ეუბნებიან რომ ხელფასი უნდა გაგინახერვდესო ე.ი. რა გამოდის ბაქოდან საქართველოში ჩამოვიდა ნაკლებ ხელფასზე სამუსაოდ და იმ ნაკლებ ხელფასსაც უნახევრებენ. შენ ჩააყენე აბა შენი თავი მის მდგომარეობაში დატანხმდებოდი?????? საქართველოს ნაკრებიდან წასული კი უმუშევარი რჩება და არავინ იცის სად და როდის დაიწყებს სამსახურს. როცა ფეხბურთელი იყო ლამის მოღალატედ შერაცხეს სნგ-ს ნაკრებში როგორ თამაშობსო და ჩამოვიდა აქ და 1 წელი დინამოში გაატარა,რაც მისი კარიერისთვის უკანგადადგმული ნაბიჯი იყო. ეხლაა და ფაქტიურად გამოდის ბაქოში აწყობილი ცხოვრება დაუნგრიეს. ცოდოა და დიდი ალბათობით ეწირება კალაძის და მინისტრის ლობირებულ კანდიდატს და კობი კიდევ არის მაგათი ყურმოჭრილი მონა.
tato
14:39 25-01-2016
0
bebe-ს. გეთანხმები, რომ 120 000 საქართველოს პირობებში დიდი ხელფასია, მაგრამ აქ მტავარია კონტრაქტის პირობები და გასათვალისწინებელია უშუალოდ კახას შეტავაზება ფედერაციისადმო ხელფასის 25%-ით შემცირების თაობაზე. შუალედის მოძებნა შეიძლებოდა. ცფიქრობ, რომ ფედერაცია და მისი ახლადგამოჩეკილი პრეზიდენტი დიდ შეცდომას უშვებენ. ისედაც გახლეჩილი და დედა...ქაართული ფეხბურთი, კიდევ უფრო გახლიჩეს. თუმცა, მთავარი მაინც შედეგია. დაველოდოთ რა შედეგს მოიტანს ეს ცვლილებები. თუ შედეგი არ იქნა კობი და მისი "განათლებული" გუნდი აიბარგება ფედერაციიდან ვადაზე ადრე. ჩემი პროგნოზი-პირველივე ოფიციალურ შესარჩევ ტამაშში ავსტრიასტან მარცხი, თანაც დიდი ანგარიშით.
koba
14:28 25-01-2016
0
მასწავლებლების ხელფასებს რომ იხსნებთ ძმებო, ეგ მარტო ცხადაძის ხელფასს ნუ შედარდება. ფედერაციის მაღალჩინოსნების ხელფას პრემიებს შევადაროთ მასწავლებლის ხელფასი.
დათო
14:26 25-01-2016
0
რა წაიღეტ ტვინი ამ ცხადაძიტ ამ კაცისატვის იყო დევიზი-----ჯერ ფული შემდეგ შედეგი ნო დენგი პერიოდ.
guri
14:25 25-01-2016
0
ფედერაციას ქონდა სრული უფლება გადაეხედა კონტრაქტზე და შეეთავაზებინა ახალი პირობები, ეს პირობები ნამდვილად არ იყო მიუღებელი, პირიქით ძალიან სამართლიანი იყო, მესამე ადგილის შემთხვევაში მწვრთნელი იღებდა სრულ ხელფას, ახლა თქვენ მითხარით თუ გუნდი მესამეზეც ვერ გავა, რატომ უნდა იხადო ამხელა ფული, სხვა შედეგს ნებისმიერი 5000 ლარიანი ქართველი მწვრთნელიც დადებს. ცხადაძის პოზიცია იყო თავიდანვე არასწორი, გულშემატკივარი კი სწორედ მაშინ მოთხოვს ფედერაციას პასუხს ცხადაძეს რომ უპირობოდ 1,5 მილიონი აძლიოს წელიწადში და გუნდი მესამეზეც ვერ გავიდეს, მერწმუნეთ ყველა იმას იტყვის რაში უხდიდით ამ კაცს ამ ფულსო.
თენგო
14:22 25-01-2016
0
კარგით რა, სანამ მწვრთნელს გაარკვევდეთ რა ღირს, მანამდე გაარკვიეთ რა ღირს კარგი მასწავლებელი, ექიმი,..... და ჩვენი პირობების შესაბამისად გამოიანგარიშეთ რას უნდა იღებდეს ხელფასს მწვრთნელი,ან თუნდაც მინისტრი... გადახედეთ მსოფლიოს განვითარებულ ქვეყნებს და ელემენტარული პროპორციით იანგარიშეთ.
guja
14:19 25-01-2016
0
bokinio-ს. ვინ ვის გამოუანა ვერდიქტი, ამას დრო გვიჩვენებს. ერთს დავძენ მხოლოდ. ფედერაციას მოუწევს ყველა კითხვაზე პასუხის გაცემა მას შემდეგ, რას კონტრაქტი შეწყდება და შესაბამისად დადგება კომპენსაციის გადახდის საკითხი. აქ უკვე ცხადაძე აუცილებლად გამარჯვებული დარჩება. შეიძლება ხელფასზე ნაკლები, მაგრამ ფედერაციას მოუწევს ტანხის გადახდა. ეს გარდაუვალია. ახლა ვსვავ კითხვას, რომელი ჯობდა, დათანხმებოდა ფედერაცია მწვრთნელის შემოტავაზებას ხელფასის 25%-ით შემცირებაზე თუ თავისი პირობები გაეტანა? თავის პირობებს გაიტანს და კახა წავა, მაგრამ ფედერაცია და ნაკრები უფრო დაზარალდება, ვიდრე მწვრთნელი. ვისურვებდი კობი ნუ დაყრდნობოდა მთლიანად გარემოცვას და თვითონაც ეაზროვდნა და გამოეტანა დასკვნა. მისი სატელევიზიო კომენტარების ხილვისას, შემექმნა შთაბეჭდილება, რომ ის პიროვნულად არის ნაწყენი. კი, გასაგებია, მაგრამ....ეს არ არსი საქმისადმი სერიოზული მიდგომა.
vako
14:18 25-01-2016
0
ამ მთავრობის წარმომადგენლები, მანამდე ლაპარაკობდნენ რომ როცა მოვიდოდნენ წინა ხელისუფლებასავიტ არ დაიწყებდნენ სპორტულ ფედერაციების საქმიანობაში ჩარევას, მაგრმ რაც მოვიდნენ აიწყეს მათ საარცევნო საქმეში ჩარევა და საკუთარი ნატესავებისა და ახლობლების დაწიანაურება. ეს მთავრობა ყველა სფერსო აბინზირებს, ყველაფერს ხელში იგდებს და უნამუსოდ ტყუის.
gaga
14:17 25-01-2016
0
საერთოდ რომ ავკრძალოდ ფეხბურთი არ გამოვა? სირცხვილის და ნერვების აშლის მეტი რა მოუტანია ქართულ ფეხბურთს გულშემატკივრებისთვის? ფულს ვყრით უაზროდ რომელიც შეგვეძლო უკეთესად გამოგვეყენებინა! მიეცით რაგბის მეტი დაფინანსება და 6 ერიც დაინტერესდება ფინანსურად ძლიერი ბორჯჟალოსნების თავის რიგებში მიღებით
zura
14:11 25-01-2016
0
ხელშეკრულება და კანონი არარაფერს ნიშნავს?
persona-s
14:07 25-01-2016
0
შუა მდინარეში არის მთლად, ან ბოლოსკენ ცოტა აკლია და გავა ბოლოში :), კარგით რა რა შეჭამეთ ტვინი, 120 000 ლარი საქართველოს ნაკრების ტრენერისთვის საკმაოდ დიდი თანხაა და თან ისეთი გამოცდილების მქონე ტრენერისთვის როგორიც კახი ცხადაძეა, კაცი ბაქოს იქით არ წასულა და რაში უხდით 120 000 ლარს თვეში, მასწავლებელი ვალდებულია 300-400 ლარზე იმუშაოს მთელი თვე და ამას 60 000 ლარი არ ეყოფოდა, რასაც ფედერაცია სთავაზობს ხელზე და დანარჩენს შედეგის შემთხვევაში უმატებს, ჩემი აზრით ეს თანხაც ბევრია, მაქსიმუმ 10 ათასი იმ შედეგით რაც ჩვენს ეროვნულ ნაკრებს აქვს, შემდგომში ვნახოდ რა იაქნება
bebe
13:58 25-01-2016
0
ლოგიკურია რასაც წერს ავტორი. პატივი უნდა ვცეთ კონტრქტს და პიროვნებებს. ვისაც ხელფასი გებევრებათ, გაერკვიეთ რა ღირს ნორმალური მწვრთნელი. თუ არ გვინდა ფეხბურთი. დავანებოთ თავი და ფულიც შეგვენახება (ან ფედერაცია შეჭამს). თვითონ გადავიდნენ საბონუსე სისტემაზე.
ნუგზარი
13:57 25-01-2016
0
1) ცხადაძის ხელფასის ოდენობაზე მითითება (100 000-ია და ბევრიას პრინციპით) - არის ჩვეულებრივი სპეკულაცია და გაუმართლებელია. ასევე სპეკულაციაა მითიტება 100 000 -იან ავანსზე, რადგან ავანსია ეს თუ უპროცენტო სესხის, ამით არ იცვლება ის ფაქტი, რომ ცხადაძეს მწვრნელად მუშაობიუს 6 თვის პერიოდზე ხელფასი არ მიუღიოა. ამ პერიოდზე ხელფასი რომ მიეღო 50 000 $ კი არ იქნებოდა ნაშთი, არამედ პირიქით, ფედერაციას ექნებოდა ვალი 500 000 ლარამდე (5 თვის ხელფასი).

ამ ყველაფერში მთავარია, რომ ადამიანს აქვს მოქმედი კონტრაქტი (და ეს კონტრაქტის პირპობები გაცილებით შეღავათიანი ვიდრე მისი წინამორვბედების). მოქმედ კონტრაქტს კი პატივისცემა და შესრულება უნდა. და ეს ყველაზე კარგად უნდა იცოდეს მინისტრმა და კობიაშვილმაც (რომელიც ევროპული მიდგომები დამკვიდრებას ცდილობს საქართველოში).

კონტრაქტის ფეხებზე დაკიდება ხდება ჯუნგლებში მხოლოდ და თუ ჯუნგლებს აშენებენ თქვან მაშინ.

და კიდევ ერთი, ცხადაძეს არსად უთქვამს არაფერი ცუდი კობიაშვილზე, ყოველთვის კორექტული იყო მის მიმართ, სანაცვლოდ კი 2009 წლის თემის ამოქექვა არის ნამდვილად სირცხვილი და არაღირსეული საქციელი...
დავითი
13:54 25-01-2016
0
ქეცბაია რო ირებდა მილიონებს რატო ხმას არ იღებდით?? კაცს ხელი მოწერინეს შეუთანხმდნენ კონტრაქტზე, აქეთ ამან კიდე ფული დაიკლო 6 თვე უხელფასოდ იმუშავა და კიდე აქედ გაქვთ პრეტენზიები???
თბილისელი
13:54 25-01-2016
0
რამდენი მილიონია დახარჯული და შედეგი მაინც არ გვაქვს.მილიონები მაშინ მიიგონ როცა შედეგი იქნება. ცუდია ცხადაძე რო უშვებენ მარა ასე ჯობია შედეგზე ორიენტირებული იქნება ვინც მოვა და თუ შედეგი ექნა ცხადაძეზე მეტს მიიგებს. მსოფლიოზე ვერც ცხადაძე გაგვიყვანდა გორიცხულია
გიგ
13:54 25-01-2016
0
გადარევთ ჟურნალისტებო ხალხს თქვენ პოლიტიკოსებზე ნაკლები არ ხართ უხადეთ მერე ამ ცხადაძეს 120 ათასი თქვენი ჯიბიდა და პაჟალუსტა
koka
13:52 25-01-2016
0
ავსაჯანიშილის და მაისურაძს შემთხვევაში გეთანხმებით ხოლო ცხადაძემ თავის თავს თვითონ გამოუტანა ვერდიქტი. ხოლო რაც შეეხება ხალხი რას იფიქრებს ამას ხალხი გადაწვეტს და თქვენი დახმარება ამ შემთხვევაში არ გვჭირდება. თქვენ გვესაუბრეთ სპორტზე.
bokinio
13:49 25-01-2016
0
მშვენიერი სტატიაა (ყველაფერი შეჯამებული და ლოგიკურიდან გამომდინარეა) ბრავო. ერთი ძალიან მაინტერესებს ვინ მოყავთ უკეთესი უცხოელი პატარა ხელფასით!!!!! ჩაემთავრებინა ეს ჩემპიონატი და მერე ვნახავდით ღირს თუ არა გაშვება
_svani_
13:47 25-01-2016
0
გადარევთ ჟურნალისტებო ხალხს თქვენ პოლიტიკოსებზე ნაკლები არ ხართ უხადეთ მერე ამ ცხადაძეს 120 ათასი თქვენი ჯიბიდა და პაჟალუსტა
koka
13:39 25-01-2016
0
არაფერი სასწაული იმაში, რომ ცხადაძე გაუშვეს, არაა. ფედერაცია ირჩევს რაღაც კურსს და შედეგი ექნება თუ არა, მოეთხოვება კობიაშვილს. ცხადაძემ "ფეხბურთელები შეირიგა" იმ ... ქეცბაიას მერე, ეგ არის მწვრთნელის დანიშნულება? და კიდე ერთი: ჩვენი ქვეყანა არის ღარიბი ქვეყანა. ამ ქვეყანაში არ მგონია ვინმე ისეთი დიდი პროფესიონალი იყოს, რომ 120000 ლარი მიიღოს თვეში, 10 კაცისთვისაც კი ძალიან ბევრია ეგ ხელფასი ქართული ფეხბურთის კვალობაზე. უცხოელებს მარტო მწვრთნელის ხელფასის ოდენობით გვინდა რომ დავემსგავსოთ? რა ფენომენია ცხადაძე ისეთი, რომ ამხელა ფული ღირს? მგონი შესაძლებელია, რომ ნაკრების სამწვრთნელო შტაბი შეინახო 500,000 ლარით წელიწადში და მისცე პრემია 50%, თუ მიაღწევს ისეთ შედეგს, რომელზეც თავს დებდა. მომგებიანობა ხო შეიძლება რომ დათვალო უბრალოდ? დადო შედეგი, მოიტანა შემოსავალი, მიეცი პრემია, ვერ დადო, კარგად იყოს. ცხადაძეს ამ თემაზე რომ ელაპარაკნენ, ამან პრესკონფერენციები და აჯიოტაჟი ატეხა, მიტომაც დატოვა პოსტი. თან არაკაცული გამოუვიდა საქციელი. მისი ლაპარაკებიდან ჩანს, რომ ტავისი დიდი ნაგვის(ოღონ არ ვიცი რას ნაგავი აქვს მირთმეული) დამალვას ცდილობს და მხოლოდ მის მიმართ უსამართლობაზე ლაპარაკობ. ისეთი თემაა, ბიჭი რომ მოვა მტირალი და ვიღაცა უფროსმა მცემაო, გეცოდება და მიდიხარ იმ უფროსთან საქმის გასარკვევად. უცებ ირკვევა რომ ამ ბიჭმა იმ უფროსს დედა აგინა, ქვები ესროლა და აფურთხა. ეგეთი შთაბეჭდილება მრჩება ცხადაძის ნალაპარაკებიდან.
პერსონა
13:37 25-01-2016
0
ალბათ კალაძესთვის ამზადებენ ადგილს იციან , რომ მალე იქედან გამოგდებენ და ნაკრების ჩააბარებენ მერე საქმე ისე კარგად იქნება როგორც ენერგეტიკაშია
კოტე მელაძე
13:34 25-01-2016
0
სრულად ვეთანხმები სტატიის ავტორს.
დავამატებ, ძალიან გამიხარდა კობიაშვილის გამარჯვება, ცხადი იყო გამოუცდლობით თვიდან ბევრ შეცდომას დაუშვებდნენ, მაგრამ ისიც უნდა გაითვალისწინონ, რომ შეცდომებზე პასუხის გაცემა თვითონ მოუწვეთ.
irakli-fan
13:30 25-01-2016
0
1,"მერე, კი ბატონო! როცა დავითვლიდით წიწილებს..." ამ წიწილებს 25 წელია დავდევთ!!!
2. ვინც ყრუ და ბრმა არა ვართ, კარგად გავიგეთ შეთავაზებული კონტრაქტია პირობები და ისიც, რომ ცხადაძემ უპრობლემო, მრგვალი 100 ათასი არჩია, შედეგის შემთხვევაში ასზე მეტს!
აქედან გამომდინარე: შუა მდინარეში ბედაურს თუ არ ცვლიან(რომელიც მათრახს არ დაიკარებს) მაგრამ ვირი აუცილებლად შესაცვლელია (მათრახის დრო უბრალოდ არაა)
0
სწორი მსჯელობაა
0
Vetanxmebi 100%, shua gzashi mokmedi kontraktis pirobebis shecvla ar xdeba civilur samkaroshi, gauvides agnishnul xelshekrulebas vada da mere shestavaze, an saertod agar shestavazo tu ar mogcons kaci sxva pirobebiani kontrakti..
Baxt
13:22 25-01-2016
0
სიახლეები პოპულარული