სატრანსფერო სიახლეები
ყველაზე კითხვადი სტატიები
არქივის კალენდარი
«« დეკემბერი 2016 »»
ორ სა ოთ ხუ პა შა კვ
282930 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1
დავით სირაძე: ისე გამოვიდა, რომ კარიერა ჩემდა უნებლიედ დავასრულე
AutoSharing Option
10:03 28-02-2016
ცნობილია, რომ გოგიტა გოგუა ყაზახურ (პავლოდარი) "ირტიშში" ჩაირიცხა, მაგრამ ბევრისთვის უცნობია, რომ ამ ტრანსფერის განხორციელებაში საქართველოს ნაკრების ყოფილი თავდამსხმელი დავით სირაძე მონაწილეობდა.

"ეს პირველი ტრანსფერი არ ყოფილა. თავიდან, ნორვეგიაში ჩემი ნალჩიკელი თანაგუნდელი გავუშვი. გოგიტა კი ჩემი მეგობარია და როცა ყაზახები ნახევარმცველით დაინტერესდნენ, მისი კანდიდატურა ვურჩიე.

მერე შეკრებაზე ისინი "დილას" ეთამაშნენ და გოგუას შესაძლებლობებში თავად დარწმუნდნენ - მან შეხვედრა ისე კარგად ჩაატარა, ორივე გუნდში საუკეთესო იყო და კონტრაქტი შესთავაზეს", - ამბობს სირაძე.

ნაკრების ყოფილი თავდამსხმელი ამბობს,
You must have Flash Player installed in order to see this player.
რომ მენეჯერობა ჯერ საბოლოოდ არ გადაუწყვეტია:

"ეს გარიგება სულ შემთხვევით მოხერხდა. სხვადასხვა ქვეყანაში მითამაშია და ნაცნობები მყავს, რაც გოგუას წასაყვანად გამოვიყენე. მიმაჩნია, რომ ის ყაზახეთში თამაშით ნაკრებს გამოადგება - ამ ქვეყანაში საკმაოდ კარგი დონის ჩემპიონატია. ახლა იმხელა ფულს დებენ და ისეთი სერიოზული ლეგიონერები ჩაჰყავთ, არ გამიკვირდება, მალე საერთო დონით კიდევ უფრო რომ განვითარდნენ.

მაგრამ აქვე ვიტყვი, რომ ჯერ მენეჯერობა არ გადამიწყვეტია და ვფიქრობ, რა გზა ავირჩიო. მწვრთნელობა რომ არ მინდა, ეს ნამდვილად ვიცი".

სირაძე მიიჩნევს, რომ კარიერა უნებლიედ დაასრულა:

"თამაში კიდევ მსურდა, მაგრამ არავინ მიწვევდა. ტაილანდსა და მალაიზიაში წასვლა შემომთავაზეს, რაც თავად არ მინდოდა. იქით წასვლას საქართველოში გამოსვლა მერჩივნა - მინდოდა, ჩემი გამოცდილება რომელიმე გუნდისთვის მომეხმარა.

სამწუხაროდ, ეს არ გამოვიდა, ჩვენთან ხომ გამოცდილ ხალხს არ სწყალობენ. კარგა ხანს ასე ჰაერში გამოკიდებული ვიყავი. ბოლოს ისე გამოვიდა, რომ კარიერა ჩემდა უნებლიედ დავასრულე. მაგრამ ჯერ ამ ნაბიჯის გადადგმა საბოლოოდ მაინც არ გადამიწყვეტია. გუნდი თუ გამოჩნდება, სიამოვნებით ვითამაშებ".

(იბეჭდება მცირე ცვლილებით)
ყოველდღიური სპორტული გაზეთი "ლელო"
Diego
03:40 29-02-2016
არ შეიძლება ასეთი მოთამაშის ასე გაშვება და ნაკრებში არ გამოძახება, სულ ბოლო წუთებზე გაქონდა რამდენჯერ მოგვაგებინა და გადაგვარჩინა ქეცბაიას დროს არ გახსოვთ ასე რომ ვიძახდით ჩვენ სირაძე გვყავს და სხვებს არა ყავთო, და რაზე მოხსნა ნაკრებიდან ქეცბაიამ ეს დღემდე გაუგებარი და პასუხგაუცემელია, ამხელა დონის ...
anzori
23:52 28-02-2016
კობიაშვილს ჭკუა რომ ჰქონდეს, შეენნაირ კაცს ჩააბარებდა ეროვნულ ნაკრებს, რომელიმე ასაკობრივი გუნდის მრწვთნელად რაც ძალიან წაადგებოდა ქართულ ფეხბურთს.