თურქეთსა და ეგვიპტეში გრძელდება ჩოგბურთელ ქალთა 10.000-იანი საერთაშორისო ტურნირები, რომლებშიც სამი ქართველი მონაწილეობს.ქაიროში სოფიო შაფათავა პირველ ნომრადაა განთესილი. სტარტზე წარმატების შემდეგ გუშინ მან ლაილა ელნიმრს (ეგვიპტე) სძლია - 6:1, 6:4. მეოთხედფინალში ჩვენებურს მეტოქეობას ასპარეზობის მეექვსე ნომერი, მასპინძელი სანდრა სმირი გაუწევს, რომელმაც თანამემამულე აჰლამ შავკატს აჯობა - 6:1, 6:2.
წყვილებში შაფათავა მიხაელა ნოსკოვასთან (სლოვაკეთი) ერთად, როგორც ტურნირის რეიტინგფავორიტი, შეჯიბრებაში მეოთხედფინალიდან ჩაებმება და ანგელინა შახრანიუკ (უკრაინა)-აჰლამ სავკატის (ეგვიპტე) დუეტს გამოცდის.
ანტალიაში უდანაკარგოდ მიიწევენ წინ სოფიო ქვაცაბაია და ეკატერინე გორგოძე, თან ისინი
ასპარეზობის მეოთხე ნომერმა ეკატერინე გორგოძემ იოლად დაჯაბნა ჯული ნოე (დანია) - 6:1, 6:0. მეოთხედფინალში ჩვენებურის მეტოქე ელენა გაბრიელა რუსემ (რუმინეთი) გუშინ ჯულიეტა მარია სტეურს (გერმანია) მოუგო - 6:1, 6:1.
წყვილებში სოფიო ქვაცაბაია-ალონა ფომინას (უკრაინა) დუეტმა პეტია არშინკოვა (ბულგარეთი)-ელენა გაბრიელა რუსეს (რუმინეთი) ტანდემს დაძაბულ პაექრობაში აჯობა - 7:5, 3:6, 11:9, რითაც ნახევარფინალისკენ გაიკაფა გზა. იქ კი მესამე ნომრად განთესილ ეკატერინე გორგოძისა და ალინა ზუბკოვას (ბელორუსი) შეხვდება, რომლებმაც მეოთხედფინალში აკიკო ოკუდას (აშშ) და შირენ პეტერსონ-პაულს (კანადა) დააყრევინეს ფარ-ხმალი - 6:0, 6:3. მეორე ნახევარფინალში ჯაზმეი დრიუ (დიდი ბრიტანეთი)-დაშა ივანოვა (აშშ) და ქრისტინა საკოვეცი (გერმანია)-ალიონა სოტნიკოვა (უკრაინა) გაარკვევენ ერთმანეთთან ურთიერთობას.
ყოველდღიური სპორტული გაზეთი "ლელო"
