მსოფლიოს ანტისადოპინგო სააგენტომ მოტოსპორტის საერთაშორისო ფედერაციისთვის გამონაკლისი დაუშვა და აკრძალული პრეპარატების სიიდან ალკოჰოლი ამოიღო."მოტოსპორტის საერთაშორისო ფედერაციის თხოვნა განვიხილეთ და მოტოსპორტი ამოვიღეთ სპორტის იმ სახეობების სიიდან, რომლებშიც ალკოჰოლი აკრძალულია", - წერია სააგენტოს პრეს-რელიზში. ამგვარი გადაწყვეტილების მიზეზი არ დაუკონკრეტებიათ.
ანტისადოპინგო სააგენტოში დაამატეს, რომ ავტომოტოსპორტის ფედერაცია თავად გააკონტროლებს მოტოსპორტში ალკოჰოლის გამოყენებას.
დღეისთვის, ალკოჰოლი დოპინგად ითვლება სპორტის შემდეგ სახეობებში: აერონავტიკა, კარატე, ბოულინგი, კარატე, ტყვიის სროლის სახეობები, საავტომობილო და კატერებით რბოლებში.
ყოველდღიური სპორტული გაზეთი "ლელო"
