10 მარტს საქართველოს მორაგბეთა ნაკრებმა რაგბი ევროპის ჩემპიონატის მეოთხე ტურში სტუმრად რუსეთი ანგარიშით 29:9 დაამარცხა.
აღსანიშნავია, რომ მატჩი წვიმისა და სეტყვის თანმხლებით მიმდინარეობდა. პირველი 15 წუთი რუსებმა აქტიური წინააღმდეგობა გაუწიეს "ბორჯღალოსნებს" და ანგარიშის გახსნაც მოახერხეს. მასპინძლებმა ჯარიმა ზუსტად შეასრულეს და ანგარიში თავის სასარგებლოდ 3:0 გახადეს.
24-ე წუთზე კი ქართველები დაწინაურდნენ. ლელოს ავტორი ანტონ ფეიქრიშვილი გახდა, ხოლო სოსო მათიაშვილმა გარდასახა და ანგარიში ჩვენს სასარგებლოდ 7:3 გახდა.
ამის შემდეგ კი "ბორჯღალოსნების" თამაში გაუარესდა და ბევრ შეცდომებს უშვებდნენ. 29-ე წუთზე რუსებმა კვლავ ზუსტად დაგვირტყეს ჯარიმა და სხვაობა მინიმუმამდე შეამცირეს 6:7.
ტაიმის ბოლო წუთებზე კი მასპინძლებმა კიდევ ერთი ჯარიმის დარტყმის უფლება მოიპოვეს და ანგარიშში დაწინაურდნენ - 9:7.
48-ე წუთზე ჯარიმის დარტყმის უფლება უკვე ქართველებმა მოიპოვეს. სოსო მათიაშვილი კვლავ ზუსტი იყო და "ბორჯღალოსნები" დაწინაურდნენ 10:9.
65-ე წუთზე "ბორჯღალოსნებმა" კიდევ ერთი ლელოს დადება მოახერხეს. ამჯერად ლელო გიორგი ნემსაძემ დაამიწა, ხოლო მათიაშვილმა გარდასახა და ქართველები 17:9 დაწინაურდნენ. 72-ე წუთზე კი მიხელ გაჩეჩილაძემ დაამიწა ლელო, მათიაშვილმა კი კვლავ ზუსტად გარდასახა.
77-ე წუთზე ვასილ ლობჟანიძის ფეხით შეგორებული ბურთი ანზორ სიჭინავამ დაამიწა. მერაბ კვირიკაშვილმა გარდასახა და ანგარიში ჩვენს სასრგებლოდ 29:9 გახდა. ამ გამარჯვებით "ბორჯღალოსნებმა" პრემიალური ქულა მიპოვეს და სატურნირო ცხრილში უკვე 19 ქულა აქვთ.
"ბორჯღალოსნები" ტურნირის მორიგს შეხვედრას რუმინეთთან 18 მარტს "დინამო არენაზე" 16:00 საათზე გამართავენ.
17:38 10-03-2018
"ბორჯღალოსნებმა" რუსეთის ნაკრები წვიმასა და სეტყვაში პრემიალურით დაამარცხეს [VIDEO]
AutoSharing Option
მკითხველის კომენტარები / 29 /
თარიღის მიხედვით
მოწონებების მიხედვით
Carmatebebi zmebo
2
0
ასე ცუდად ჩვენებს არც არასოდეს უთამაშიათ, განსაკუთრებით რუსეთთან! მაგრამ მაინც მოიგეს, მითუმეტეს რუსეთი ჩვენთან მაქსიმუმს აკეთებს! ბრავო ბიჭებო, მიუხედავათ იმისა რომ არ თუ ვერ ითამაშეთ შედეგი მაინც დაიდო, გენაცვალეთ სუყველას, ქართველების საამაყო კაცები ხართ!!!!!!!
13
0
ყველას ვეთანხმები ვინც იმ აზრზეა რომ ევროპის ჩემპიონატი ჩვენთვის უკვე მოძველდა და ამ ტურნირზე ყოველთვის მაღალ "ჟილკით" თამაში ძნელია რადგან თამაში დაწყებამდე მოგებული გვაქვს ყოველთვის, დარწმუნებული ვარ რუმინეთსაც წავლეკავთ და ამაში ეჭვი 0.1 % ტითაც არ მეპარება, მილტონ ჰეიგს ვულოცავ რომ ასეთი შემართებით ათამაში ბიჭები რაც ჩემი აზრით ძნელია, ეს ვარჯიშებია ჩემი აზრით და ახალგაზრდების შეჩვევა ნაკრებზე, მე ვთვლი რომ ბიჭებმა ყველაფერი ძალიან კარგად გააკეთეს და შეასრულეს ქართველი ხალხის სურვილი "სულ გამარჯვება ქართველებს" 2019 წლის მსოფლიო ჩემპიონატზე ბიჭები ისე ითამაშებენ რომ ყველა კრიტიკოსს ენას ამოაგლეჯენ, წარმატებები ჩვენს ბორჯღალოსნებს და ნამდვილ გმირებს, წინ ბიჭებო გამარჯვებისკენ ღმერთი თქვენსკენ.
8
3
კვირიკაშვილმა ვერ გარდასახა ბოლოს.
1
2
არ მესმის რატომა აქვს ორი დისლაიქი,მეკომ მართლა ვერ გაიტანა გარდასახვა,მიმოხილვებში კი სწერენ რომ გაიტანა.კაცმა უბრალოდ ფაქტი აღნიშნა.
1
0
ეხება იმათ ვისაც პრეტენზიული ხედვა აქვს საქართველოს ნაკრებზე.. ხალხო რა გინდათ საერთოდ თუ რაგბის ცოდნა არ გაქვთ ნუ გაიძახით რო ასე თუ ვითამაშებთ 6 ერში რა გვინდა და ესეთბი. გუნდი იგებს უკმაყოფილო ხართ , გუნდი თუ აგებს კიდე უკმაყოფილო ხართ.. ასე არ ვარგა ისე არ ვარგა. რატო ტოვებთ აქ რაგბის არამცოდნეები და ინტრიგის მქონე ხალხი ასეთ აზრებს ... ვისაც რამე არ მოგწონთ შეგიძლიათ საერთოდ კომენტარი არ დაწეროთ.. ვულოცავ საქართველოს და ქართველ ერს კიდე ერთ დიდ გამარჯვებას.
24
2
ჰეიგი არის მწვრთნელი რომელიც მუშაობს ,ეძებს, შრომობს , ასწავლის და სწავლობს. უკმაყოფილო ხალხს კი დაფიქრებისკენ მოვიწოდებ . ეს ტურნირი ჩვენთვის სამუშაო პროცესია მხოლოდ და მეტი არაფერი. ჩვენ გვახსოვს საკალათბურთო ნაკრების საოცარი ამხანაგურები და ევრობასკეტზე კი სრული ფიასკო. და არამარტო კალათბურთი ნებისმიერ სპორტში გადამწყვეტ თამაშებზე და ტურნირზე გვიჭირს. აქ კი უნდა განისაღვროს რო არა რუსეთთან ვიყოთ ფორმის პიკში ,არამედ ზუსტად იქ და იმ დროს სადაც საჭიროა , ეს დრო კი მსოფლიო თასია. ასე შევეშვათ "ვარჯიშების" კრიტიკას და ვაღიაროთ რო ქართული რაგბი ვითარდება ხარისხობრივადაც რაოდენობრივადავ და შიდა თუ გარე ასპარეზზე. წარმატებები ქართულ რაგბს.
67
0
მოტივაცია ნული და აქედან გამომდინარე თამაშიც ძალიან ცუდი.რა შუაშია ჰეიგი ეგ კაცი ყველაზე ცოდვაა რადგან უმოტივაციო თამაშებში უწევს გამოსვლა და გუნდიც აქედან გამომდინარე მოიშალა აღარააქვთ მოტივაცია იმდენად ძლიერები არიან ამ გუნდებზე ეს დავწერე ესპანელებთან თამაშის შემდეგაც.და თუ ვინმეს გონია რო ჩვენი ბიჭები ესე ითამაშებენ იგივე ვთქვათ იტალიის წინააღმდეგ ის ან რაგბის გარტყმაში არაა ან საერთოდ არააქ ნანახი მისი გუნდის ნაღდი თამაში.
46
4
8 ნომერზე უნდა დაიწყოს გაჩეჩილაძემ!!! ლომიძე ვერ თამაშობს 8 ზე....9 ნომერი ვასკა მაგარია დაცვაში და ბურთის ამოტანაში მარა სისწრაპე აკლია რაქიდან გამოტანაში....
14
3
ვინც მწვრთნელის შეცვლას ითხოვთ, მაინტერესებს ცხოვრებაში რამე თუ შეგიქმნიათ ღირებული ან ერთი მოსწავლე მაინც თუ აღგიზრდიათ? გუნდის შენებას, მითუმეტეს სათამაშო სტილის შეცვლას კოლოსალური შრომა უნდა. ჰეიგი ამას მინიმალური დანაკარგებით ახერხებს და მადლობის თქმის ნაცვლად აგინებთ. ირლანდიამ ან უელსმა დიდი გაჭირვებით რომ მოგვიგეს, ვინმეს მოუვიდა აზრად მწვრთნელის ან გუნდის შეცვლა? სად სწავლობთ ასეთ აზროვნებას თუ მოგზავნილები ხართ?
51
2
აგინებს ვინმე?????????
3
0
გილოცავთ!!! გაიხარეთ!!! იმედია, რუმინეტთანაც გაგვახარებთ!!!
18
1
< წინა123შემდეგი >
თარიღის მიხედვით
მოწონებების მიხედვით
მკითხველის კომენტარი (29)
გააკეთეთ კომენტარი
ასევე დაგაინტერესებთ
![ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]](/pictures/image7/0f4b77bd967b8edd701abb94e504f0be.jpg "ზედიზედ მეშვიდედ! - საქართველოს ნაკრებმა პორტუგალია სრულად დაჯაბნა და რაგბი ევროპის ჩემპიონატი მოიგო [VIDEO]")
სიახლეები
პოპულარული
