19 დეკემბერს NBA-ს რეგულარული ჩემპიონატის მორიგი მატჩები გაიმართა.ზაზა ფაჩულიას "გოლდენ სტეიტი" "ლოს ანჯელეს ლეიკერსს" ესტუმრა და ანგარიშით 116:114 დაამარცხა. "უორიორსმა" მასპინძლები ოვერტაიმში გატეხა.
ქართველ ცენტრს ტრავმის გამო არ უთამაშია. სავარაუდოდ, ფაჩულია 21 დეკემბერს "მემფისთან" საშინაო მატჩში დაბრუნდება. შეგახსენებთ, რომ ზუსტად ამ მატჩს გახსნის ანსამბლი "შვიდკაცა", რომელიც ამერიკის ჰიმნს შეასრულებს, ხოლო დიდ შესვენებაზე - რამდენიმე ქართულ სიმღერას. შეხვედრა ჩვენი დროით 07:30 საათზე დაიწყება.
რაც შეეხება მატჩს, ოკლენდელებს კევინ დურანტმა ულიდერა, რომელმაც 36 ქულა, 11 მოხსნა და 8 პასი მოაგროვა. სწორედ დურანტის ორქულიანმა მოუტანა გამარჯვება სტუმრებს. ორმაგი დუბლი გაიფორმეს ასევე კლეი ტომპსონმა და ომრი კასპიმ. ტომპსონმა 17 ქულა და 10 მოხსნა მიითვალა, ხოლო კასპიმ 14 ქულა და 10 მოხსნა ჩაიწერა აქტივში.
"ბოსტონმა" სტუმრად "ინდიანა" 112:111 დაამარცხა. ვიქტორ ოვლადიპომ შეხვედრაში ყველაზე მეტი, 38 ქულა ჩააგდო, ხოლო "ბოსტონს" 30 ქულით კაირი ირვინგმა ულიდერა. "სელტიქსი" კი აღმოსავლეთ კონფერენციაში 26 მოგებით პირველია.
"ჰიუსტონმა" შინ "იუტა" 120:99 გაანადგურა, რაც "როკეტსის" ზედიზედ მე-14 გამარჯვებაა. "ჰიუსტონი" დასავლეთ კონფერენციას 25 მოგებით ლიდერობს.
"სან ანტონიმ" საკუთარ მოედანზე "კლიპერსი" ანგარიშით 109:91 დაამარცხა. შეხვედრაში ყველაზე მეტი, 19 ქულა ლამარკუს ოლდრიჯმა მოიპოვა, ხოლო ტონი პარკერმა 16 ქულა მიითვალა. კავაი ლეონარდმა კი 15 წუთში 7 ქულა ჩააგდო.
აღსანიშნავია, რომ ტონი პარკერმა კარიერაში გამარჯვებების რაოდენობით კობი ბრაიანტს გაუსწრო. "კლიპერსთან" მოგება პარკერისთვის კარიერაში 837-ე აღმოჩნდა. ლიგაში ეს მე-8 მაჩვენებელია.
დღის სხვა მატჩები ასე დასრულდა:
დალასი-ფინიქსი 91:97
ჩიკაგო-ფილადელფია 117:115
მინესოტა-პორტლენდი 108:107
ოკლაჰომა-დენვერი 95:94
ატლანტა-მაიამი 110:104
შარლოტი-ნიუ იორკი 109:91
![კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]](/pictures/image7/bfe576173dcdc0bfcd0064b131bfaef5.png "კვლავ სასტარტო ხუთეულში - მამუკელაშვილმა სეზონი კარგი მატჩით დაასრულა [VIDEO]")
![სანდროს მაგარი მატჩი და "სპურსის" 23 ქულიანი ქამბექი მოქმედ ჩემპიონთან [VIDEO]](/pictures/image7/da43861f424d6cf3bb738940328f8247.png "სანდროს მაგარი მატჩი და \"სპურსის\" 23 ქულიანი ქამბექი მოქმედ ჩემპიონთან [VIDEO]")
![მამუკელაშვილის ორმაგი დუბლი და პირადი რეკორდი - "სპურსმა" "მემფისი" დაამარცხა [VIDEO]](/pictures/image7/1b55791eee03af9928f778bffc3a50a7.png "მამუკელაშვილის ორმაგი დუბლი და პირადი რეკორდი - \"სპურსმა\" \"მემფისი\" დაამარცხა [VIDEO]")
![მამუკელაშვილმა სასტარტოში 25 წუთი ითამაშა და "სან ანტონიოს" გამარჯვებაში დაეხმარა [VIDEO]](/pictures/image7/61cc0309607cc67370e61069659b5683.png "მამუკელაშვილმა სასტარტოში 25 წუთი ითამაშა და \"სან ანტონიოს\" გამარჯვებაში დაეხმარა [VIDEO]")
![მამუკელაშვილს "დენვერთან" მატჩში ორმაგ დუბლამდე 1 მოხსნა დააკლდა [VIDEO]](/pictures/image7/22a6bcf0c1f837a87e84c835c91a0945.jpeg "მამუკელაშვილს \"დენვერთან\" მატჩში ორმაგ დუბლამდე 1 მოხსნა დააკლდა [VIDEO]")
