წლებია, "ლენოვო ტენერიფე" ესპანეთის ჩემპიონატის ლიდერებშია, მაგრამ ესპანური ლიგის ნამდვილი გრანდები – "რეალი" და "ბარსელონა", დამარცხებული არ ჰყავს. მორიგი შანსი ტენერიფელებს 12 ნოემბერს ჰქონდათ, როცა კატალონიაში "ბარსელონას" დაუპირისპირდნენ, მაგრამ გრანდის დასამარცხებლად ძალები ბოლომდე არ ეყოთ.
ბოლო პერიოდის წინ "ბარსელონა" "ტენერიფეს" მხოლოდ 4 ქულით ამარცხებდა, თუმცა შეხვედრა ისე ჩამთავრდა, შერმადინის გუნდს მოგების შანსი არ მისცემია. საბოლოოდ კატალონიელებმა 94:83 მოიგეს. ქართველმა ცენტრმა მოედანზე მხოლოდ 18 წუთი გაატარა. ამ დროში ქართველმა ცენტრმა 7 ქულა, 3 მოხსნა, 1 პასი და 1 ჩაჭრა დააგროვა. გიორგიმ 4-დან 2 ორქულიანი და 4-დან 3 საჯარიმო ჩააგდო.
"ბარსელონაში" 18 ქულით ჯაბარი პარკერი იყო საუკეთესო, "ტენერიფეში" კი მარსელინო უერტასმა შეძლო 13 ქულის და 8 პასის დაგროვება, მაგრამ თავისი გუნდი მარცხისგან ვერ იხსნა.
"ლენოვო ტენერიფე" 4 მოგებით და 5 წაგებით მე-13 ადგილზეა. კანარიელები მომდევნო ტურში, 18 ნოემბერს, "პალენსიას" უმასპინძლებენ.
GBF
მკითხველის კომენტარები / 1 /
მოწონებების მიხედვით
თარიღის მიხედვით
წადი გიო წადი! სააკაშვილი მოვიშორეთ და ეს შერმადინი რაღა გახდა!
0
1
ყველა კომენტარი
გააკეთეთ კომენტარი
ასევე დაგაინტერესებთ
![შერმადინის 21 ქულა - "ტენერიფე" ჩემპიონთა ლიგის ფინალში გავიდა [VIDEO]](/pictures/image7/17a2a2c408ace74e152d3af47309c69c.jpg "შერმადინის 21 ქულა - \"ტენერიფე\" ჩემპიონთა ლიგის ფინალში გავიდა [VIDEO]")
უძრავი ქონება
სიახლეები
პოპულარული
