საქართველოს ნაკრების ევრობასკეტზე გაცილების ცერემონია გაიმართა

AutoSharing Option
14 აგვისტოს, "ფუნიკულიორზე" საქართველოს კალათბურთელთა ნაკრების ევროპის ჩემპიონატზე გაცილების ღონისძიება გაიმართა, რომელსაც მინისტრი ტარიელ ხეჩიკაშვილი პირველ მოადგილესთან, აკაკი ლოდიასთან და მოადგილეებთან, შალვა გოგოლაძესა და რევაზ ჯაველიძესთან ერთად დაესწრო.

შეხვედრაზე გამოიფინა ევროპის ჩემპიონისთვის განკუთვნილი თასი, რომელიც საქართველოში 12 აგვისტოს, ფიბა-ს პროექტ "ტროფი ტურის" ფარგლებში ჩამოვიდა.

საქართველოს ნაკრების მოთამაშეებს და მწვრთნელთა შტაბს ევროპის ჩემპიონატზე წარმატებით გამოსვლა უსურვეს მთავრობის სხვა წევრებმაც - შინაგან საქმეთა მინისტრმა გიორგი მღებრიშვილმა, ევროინტეგრაციის საკითხებში სახელმწიფო მინისტრმა ვიქტორ დოლიძემ, პარლამენტის სპორტისა და ახალგაზრდულ საქმეთა კომიტეტის თავმჯდომარე მიხეილ ყაველაშვილმა და თბილისის
საკრებულოს თავმჯდომარე გიორგი ალიბეგაშვილმა.

ღონისძიებას ესწრებოდნენ კალათბურთის ფედერაციის ხელმძღვანელები და ჟურნალისტები.

ილიას ზუროსის გუნდი 22 აგვისტოს საბერძნეთში გაემგზავრება, სადაც წარმომადგენლობით, "აკროპოლისის თასის" გათამაშებაში მიიღებს მონაწილეობას და შემდეგ პირდაპირ ევრობასკეტზე გაემგზავრება - ისრაელში. ეს იქნება ზედიზედ მე-4 ევროპის ჩემპიონატი, რომელზეც საქართველოს ნაკრები ითამაშებს.

ჩვენი ნაკრები ჯგუფური ეტაპის პირველ მატჩს 31 აგვისტოს ლიტვის ნაკრების წინააღმდეგ ჩაატარებს, სულ კი ჯგუფურ ეტაპზე 5 მატჩის ჩატარება მოუწევს.

ზუროსის გაწვრთნილი გუნდი, ლიტვის გარდა, ისრაელს, უკრაინას, იტალიას და გერმანიას დაუპირისპირდება. ჯგუფიდან 4 საუკეთესო გუნდი გადის. ფინალური ეტაპი სტამბოლში 9-17 სექტემბერს გაიმართება.

ფოტო - თამუნა ყულუმბეგაშვილი
სამინისტროს პრესსამსახური
მკითხველის კომენტარები / 1 /
ოოო რამდენი ზედმეტია ნაკრების გინდაც მენეჯმნეტში და გინდაც როგორც მოთამაშე. სასაცილოა
Kombato
12:11 16-08-2017
2

სიახლეები პოპულარული