რომან ფიფია: დიახ, ბატონ გროზნისთან მოლაპარაკება დავიწყეთ

თბილისის "დინამოს" მთავარი მწვრთნელობის ერთ-ერთი კანდიდატი ვიაჩესლავ გროზნი საქართველოს დედაქალაქს ესტუმრა და გუშინ "დინამო"-"ლოკომოტივის" სათასო მატჩს დაესწრო. 60 წლის უკრაინელმა სპეციალისტმა მატჩის შემდეგ მედიასთან კომენტარი გააკეთა.

- თქვენთან ხალხი ფეხბურთზე არ დადის? ვიაჩესლავ გროზნიმ თბილისის "დინამო" ნახა

ერთი შეხედვით, გროზნი მთავარ კითხვაზე - მართავდა თუ არა მოლაპარაკებებს "დინამოს" პრეზიდენტ რომან ფიფიასთან, პასუხს თავს არიდებდა და საუბრის სხვა თემაზე გადატანას ცდილობდა.

გროზნისგან განსხვავებით, "დინამოს" პრეზიდენტმა რომან ფიფიამ უკრაინელ მწვრთნელთან მოლაპარაკებები დაადასტურა:

- დიახ, ბატონ გროზნისთან მოლაპარაკება დავიწყეთ. ჩვენ გვსურს, რომ 3-წლიანი, მიზანმიმართული პროექტის განხორციელება დავიწყოთ. საამისოდ კი საჭიროა ისეთი სპეციალისტი, რომელსაც შეუძლია კარგად გაიგოს და ამოიცნოს ჩვენი მენტალობა. ჩვენ ამის პრობლემაც გვაქვს, როცა უცხოელ მწვრთნელებს ვეძახით...

აქედან გამომდინარე, "დინამოს" რომელი სპეციალისტიც უფრო მოუხდება, იმას დავნიშნავთ.

კიდევ გვყავს ერთი კანდიდატი და ამას მალე შეიტყობთ.

- მეორე კანდიდატი ლეონიდ კუჩუკია?
- ახლა ამაზე ვერაფერს გეტყვით. ალბათ, მასაც ნახავთ. ვიმეორებ, მომავალი მწვრთნელი გარემოსაც უნდა მოუხდეს და ჩვენი მენტალობაც ზეპირად უნდა იცოდეს. ამ ადამიანებმა კი ქართველების ხასიათი კარგად იციან.

(იბეჭდება მცირე ცვლილებით)
ყოველდღიური სპორტული გაზეთი "ლელო"