"მანჩესტერ სიტის" ფორვარდის, სერხიო აგუეროს ტრავმა იმაზე სერიოზული აღმოჩნდა, ვიდრე თავდაპირველად ჩანდა. არგენტინის ნაკრების ექიმი დონატო ვილიანი მანჩესტერში ჩავიდა და ფეხბურთელი შეამოწმა.მისი ვერდიქტი სავალალო აღმოჩნდა - აგუერო მინიმუმ თვე-ნახევარი ვერ შეძლებს თამაშს, - წერს გაზეთი The Times-ი. საერთო ჯამში, ფორვარდს მოუწევს "სიტის" შვიდი მატჩის გამოტოვება, აგრეთვე ვერ დაეხმარება არგენტინის ნაკრებს მსოფლიოს 2018 წლის ჩემპიონატის შესარჩევი ტურნირის ბოლო ორ მატჩში - პერუსა და ეკვადორის წინააღმდეგ.
შეგახსენებთ, რომ აგუერო 29 სექტემბერს, ამსტერდამში ავტოავარიაში მოყვა, როცა მისი ტაქსის მძღოლი ბოძს შეეჯახა.
პირველადი
(იბეჭდება მცირე ცვლილებით)
ყოველდღიური სპორტული გაზეთი "ლელო"
