areanapoli-ს ცნობით, "ნაპოლის" თავდამსხმელმა ვიქტორ ოსიმენმა საკუთარი და, ესთერი სამართალდამცავ ორგანოებს დააკავებინა. ნიგერიაში ესთერის დაკავების ვიდეო მისმა მეუღლემ ოსიტა ოკოლომ "ტვიტერით" გაავრცელა.
როგორც ირკვევა, ესთერი ვიქტორის "ლილიდან" "ნაპოლიში" განხორციელებულ ტრანსფერში მონაწილეობდა და ფულის გამო უთანხმოება ჰქონდათ. "კორიერე დელო სპორტის" მტკიცებით, დას ძმისგან 470 ათასი ევრო უნდა მიეღო.
"ვიქტორ ოსიმენმა სახელმწიფო სამსახურის დეპარტამენტის თანამშრომლები მისი დის (ჩემი მეუღლის) დასაკავებლად გამოგზავნა - საქმის გამო, რომელიც ჩვენს შორის ჯერ კიდევ სასამართლოშია", - წერს ოსიტა ოკოლო.
ოსიმენი "ნაპოლიმ" "ლილისგან" 2020 წლის 30 ივლისს კლუბისთვის
სარეკორდო თანხად, 70 მილიონ ევროდ (პლუს 10 მილიონი ბონუსების სახით შეიძინა) და ეს აფრიკული ფეხბურთის ისტორიაში ყველაზე ძვირად ღირებული ტრანსფერი გახდა. ვარაუდობდნენ, რომ თანხა ხელოვნურად გაზრდილი იყო და თაღლითობას ჰქონდა ადგილი. აღნიშნული საკითხით რომის პროკურატურა გასულ წელს დაინტერესდა.
საქმის სხვა დეტალები ჯერჯერობით უცნობია.
![alt](/pictures/image50/9b7b59eac0678a5980248b3a40a51da0.jpg "ოსიმენმა თავისი და დააჭერინა - ეს "ნაპოლის" სკანდალური ტრანსფერის გაგრძელებაა?")
სკანდალი. ნუთუ დე ლაურენტისი თაღლითია და დასჯიან თუ არა "ნაპოლის"?
!["კვარას" საგოლე პასი და ოსიმენის გოლი - "ნაპოლი" კვლავ წინ გადის! [VIDEO]](/pictures/image7/d2ba6242315d0e0311b404226c7fc418.png "\"კვარას\" საგოლე პასი და ოსიმენის გოლი - \"ნაპოლი\" კვლავ წინ გადის! [VIDEO]")
