იტალიის სერია A-ს 31-ე ტურში "მილანმა" საკუთარ მოედანზე "ლეჩეს" 2:0 სძლია, თუმცა ეს შეხვედრა "როსონერის" ფორვარდ ზლატან იბრაჰიმოვიჩისთვის მაინც ცუდად მოსაგონებელი გახდება. 41 წლის შვედი მოედანზე გამოსასვლელად ემზადებობდა, რა დროსაც დისკომფორტი იგრძნო და სათადარიგოთა სკამზე დაბრუნდა.
SemperMilan-ის ცნობით, ვეტერან თავდამსხმელს, სავარაუდოდ, წვივი აქვს დაზიანებული, რის გამოც, დიდი ალბათობით, სეზონის დარჩენილ მატჩებს გამოტოვებს.
მოგეხსენებათ, ზლატანს ამ ზაფხულს "როსონერისთან" კონტრაქტი ეწურება, "მილანი" კი ახალი შრომითი ხელშეკრულების გაფორმებას არ აპირებს და იბრაჰიმოვიჩმა, შესაძლოა, ბუცები ლურსმანზე ჩამოკიდოს.
!["ინტერმა" "მილანს" სძლია და მეოცედ მოიპოვა სკუდეტო [VIDEO]](/pictures/image7/bb5d6099592543668202cce89d0e2b83.jpeg "\"ინტერმა\" \"მილანს\" სძლია და მეოცედ მოიპოვა სკუდეტო [VIDEO]")
