"მანჩესტერ სიტიმ" გუნდის ერთ-ერთ ლიდერთან კევინ დე ბრიუნესთან კონტრაქტის 2024 წლამდე გახანგრძლივებაზე მიაღწია შეთანხმებას, რომლის შესახებაც ოფიციალურად ახალი წლის წინ იუწყებენ. ბელგიელს "ქალაქელებთან" შრომითი ხელშეკრულება 2021 წლის ზაფხულამდე აქვს დადებული და მისი ყოველკვირეული გასამრჯელო 115 ათასი ფუნტია, ახალი ხელშეკრულების მიხედვით კი კვირაში 200 ათასს აიღებს (პლუს ბონუსებს) და 6 წელიწადში 62 მილიონს გამოიმუშავებს.
