"ბილდი" იტყობინება, რომ იუპ ჰაინკესის ნაცვლად "ბაიერნის" მწვრთნელად ხორვატი ნიკო კოვაჩი დაინიშნება.46 წლის კოვაჩი ამჟამად ფრანკფურტის "აინტრახტის" თავკაცია და ეს გუნდი ბუნდესლიგაზე მე-5 ადგილზეა.
ნიკო ბერლინშია დაბადებული, ფეხბურთელის თითქმის მთელი კარიერა გერმანიაში აქვს გატარებული, ნახევარმცველი იყო, თამაშობდა "ჰერტაში", "ბაიერში", "ჰამბურგში", "ბაიერნში" (2001-2003 წლებში), აგრეთვე "ზალცბურგში". ხორვატიის ნაკრებში 83 მატჩში 15 გოლი აქვს გატანილი.
ბუცების ლურსმანზე ჩამოკიდების შემდეგ წვრთნიდა "ზალცბურგს", ხორვატიის ახალგაზრდულ ნაკრებს, მერე კი ხორვატიის ეროვნულ გუნდს. "აინტრახტს" 2016 წელს ჩაუდგა სათავეში, სადაც ასისტენტად თავისი უმცროსი ძმა რობერტი ჰყავს.
![კეინის უიღბლო დებიუტი, დანი ოლმოს ჰეთ-თრიკი - "ლაიფციგმა სუპერთასი მოიგო [VIDEO]](/pictures/image7/e52565c2f5729473a5d94429e8a84ef2.jpeg "კეინის უიღბლო დებიუტი, დანი ოლმოს ჰეთ-თრიკი - \"ლაიფციგმა სუპერთასი მოიგო [VIDEO]")
