"შახტარის" ნახევარმცველმა გეორგი სუდაკოვმა დონეცკური გუნდის ახალ მწვრთნელ მარინო პუშიჩზე ისაუბრა. მოგეხსენებათ, ბოსნიელმა უკრაინულ გუნდში პატრიკ ვან ლეუვენი შეცვალა, "ბარსელონასთან" დღევანდელ შეხვედრაში კი გუნდს დარიო სრნა დამოძღვრავს. "ახალი მწვრთნელის მისამართით ემოციები დადებითია და ყველა შთაბეჭდილების ქვეშ ვართ. კარგი და პოზიტიური ადამიანია. იმ იდეებიდან გამომდინარე, რაც მან მოგვცა 15 წუთში, გავიგეთ მისი ფეხბურთის სტილი. 15 წუთში უფრო მეტი გავიგეთ, ვიდრე 3 თვის წინ.
იმედი მაქვს, წინ ძალიან კარგი შედეგები გველოდება. გვჯერა ამის და ფეხბურთელებს ახალი მწვრთნელის სრული ნდობა აქვთ", - თქვა
შეგახსენებთ, რომ დონეცკური გუნდის ღირსებას ორი ქართველი ფეხბურთელი: გიორგი გოჩოლეიშვილი და ირაკლი აზაროვი, იცავს.
