"სპალთან" ფრედ დასრულებულ ამხანაგურ მატჩში (1:1) "ნაპოლის" გარემარბი ხვიჩა კვარაცხელია შესვენების შემდეგ შევიდა შეცვლაზე, უფრო გუნდურად მოქმედებდა და Tutto Napoli-სგან ანგისასთან და რასპადორისთან ერთად ყველაზე მაღალი შეფასება, 7-იანი დაიმსახურა.
გამოცემა აღნიშნავს, რომ კვარაცხელიამ პირველივე დარტყმით ბურთი ხარიხას გაარტყა, მეურვეებს უსხლტებოდა, არაერთხელ ლამაზი და მრავალმხრივი თამაშით გამოირჩა, თანაგუნდელების იმედია, ხიფათის შემქმნელი, მის მიერ გაკეთებული პრაქტიკულად საგოლე გადაცემები კი პარტნიორებმა ვერ გამოიყენეს.
"ნაპოლის" ფეხბურთელების შეფასებები: გოლინი (6), მერეტი (5.5), ძანოლი (6.5), დი ლორენცო (6), ესტეგარდი (6), ჟუან ჟეზუსი (6.45), რაჰმანი
(6), ობარეტინი (6), მარიო რუი (6), ოლივეირა (6), ფოლორუნჩო (6), ანგისა (7), დემე (6), ლობოტკა (6.5), ელმასი (6), ზილენსკი (6.5), პოლიტანო (6), რასპადორი (7), სიმეონე (6), კვარაცხელია (7), ოსიმენი (6.5), ზედატკა (6).
მარიო რუიმ პირველ ტაიმში მარჯვენა ბარძაყის ტრავმა მიიღო, შეცვალეს და ჯერ უცნობია, რამდენად სერიოზულია მისი დაზიანება.
ყველა ადგილობრივი სპორტული გამოცემა წერს, რომ ტრიბუნაზე ნეაპოლური კლუბის პრეზიდენტ აურელიო დე ლაურენტისთან და მის მეუღლესთან აგენტი მამუკა ჯუღელი ხვიჩას ძმასთან, თორნიკე კვარაცხელიასთან ერთად იმყოფებოდა. "სპორტმედია" იტყობინება, რომ ჯუღელი იტალიაში "კვარას" კონტრაქტის გასაახლებლად ჩავიდა, მოლაპარაკებები კარგად მიმდინარეობს და ხვიჩას სეზონური გასამრჯელო 1.4 მილიონი ევროდან 3 მილიონამდე გაიზრდება.
calcionapoli24-ის და Sky Sport-ის ცნობით, აგენტი დე ლაურენტისს სხვა ნიჭიერ ქართველ ფეხბურთელებსაც შესთავაზებს.
calcionapoli24-ის და Sky Sport-ის ცნობით, აგენტი დე ლაურენტისს სხვა ნიჭიერ ქართველ ფეხბურთელებსაც შესთავაზებს.
კვარაცხელიას პირველი მატჩი სეზონში - "ნაპოლიმ" "სპალს" ვერ სძლია [VIDEO]
კვარაცხელია "სპალთან" სათადარიგოა - ჯუღელი ტრიბუნაზე დე ლაურენტისთან ერთად იმყოფება
![ხვიჩას მოპოვებული პენალტი - "ნაპოლიმ" "რომასთან" გამარჯვება ხელიდან გაუშვა [VIDEO]](/pictures/image7/86d2d860a4ac79e9cac8e973b4fd6636.jpg "ხვიჩას მოპოვებული პენალტი - \"ნაპოლიმ\" \"რომასთან\" გამარჯვება ხელიდან გაუშვა [VIDEO]")
