სლოვაკეთის ჩემპიონატის 30-ე ტურში „სლოვანმა“ გასვლაზე დაკ-ი 3:2 დაამარცხა.
ეს ფაქტიურად საჩემპიონო ფინალი იყო, ბრატისლავურმა გუნდმა გაიმარჯვა, ლიდერია და ჩემპიონატის დასრულებამდე ორი ტურით ადრე დაკ-ს 5 ქულით უსწრებს.
გურამ კაშიამ და ჯაბა კანკავამ შეუცვლელად ითამაშეს, გიორგი ჩაკვეტაძემ საგოლე გადაცემა გააკეთა, 89-ე წუთზე ვაისმა შეცვალა, რომელმაც კომპენსირებულ დროში პენალტით გამარჯვების გოლი გაიტანა, მაისური გაიხადა, დროშასავით ააფრიალა, მეორე ყვითელი ბარათი მიიღო, გააძევეს და ამას მოედანზე შეხლა-შემოხლა მოჰყვა.
შემდეგ შეხვედრას "სლოვანი" 13 მაისს ბანსკა ბისტრიცაში „დუკლასთან“ ჩაატარებს.
დუნაისკა სტრედა. „მოლ არენა“. 12 221 მაყურებელი
დაკი - სლოვანი 2:3
გოლები: 1:0 კრსტოვიჩი (5), 1:1 ლოვატი (42), 1:2 გრინი (74), 2:2 რამადანი (81), 2:3 ვაისი (90+5, პენ)
გაძევება: ვაისი (90+9)
![alt](/pictures/image50/2282837e6ee221c015034e9976410059.jpg ""სლოვანმა" გადამწყვეტი მატჩი მოიგო - ჩაკვეტაძემ საგოლე გადაცემა გააკეთა")
"სლოვანმა" თასის ფინალში დასანანი მარცხი განიცადა
