ბელგიურმა საიტმა voetbalnieuws.be-მ გიორგი ჩაკვეტაძის შესანიშნავ ასპარეზობას სტატია მიუძღვნა. "გენტმა ბელგიის ჩემპიონატი განაახლა და რამდენიმე ახალი სახეც ვიხილეთ. ერთ-ერთი მათგანი გიორგი ჩაკვეტაძეა, რომელმაც შესანიშნავად ითამაშა.
18 წლის ქართველს დიდი ნიჭი გააჩნია და პირველ წრეში მას სათამაშო დრო საერთოდ არ ეძლეოდა.
ამ თემასთან დაკავშირებით, გუნდის მთავარი მწვრთნელი ივეს ვარდენჰეიგი ამბობს:
"გიორგი ზაფხულში ძალიან დაღლილი იყო. მან გასული 2 წლის განმავლობაში ძალიან ბევრ შეხვედრაში მიიღო მონაწილეობა. მან არ იცოდა ენა და ჰქონდა კუნთების პრობლემა, მაგრამ ვიცი, რომ იგი უდავოდ ნიჭიერი ფეხბურთელია", -
იცით, რომ ამ ფეხბურთელით მიუნხენის "ბაიერნი" იყო დაინტერესებული? ახლაც კი მის გარშემო ძალიან დიდი ინტერესია. მისი შეძენა ისეთ გუნდებს სურთ, როგორებიც - "ტოტენჰემი", "ბორნმუთი" და დონეცკის "შახტარი" არიან.
"გენტმა" მისი სახით შესაძლოა თვითნაბადი ოქრო მიიღოს", - ნათქვამია სტატიაში.
