"ერთად რომ ვიყავით ნეაპოლში, ხვიჩამ ასეთი რამ მითხრა... მინდა შემთხვევით ვისარგებლო და დე ლაურენტისზე განვაცხადო, რომ..." - მამუკა ჯუღელის ინტერვიუ

ხვიჩა კვარაცხელიას აგენტმა მამუკა ჯუღელმა გადაცემა "სპორტი იმედზე" სხვადასხვა საინტერესო თემებზე ისაუბრა. მისი თქმით უახლოეს მომავალში "ნაპოლი" "კვარას" ახალ კონტრაქტს შესთავაზებს.

"კვარაცხელიას შეტევაში თამაში ყველა პოზიციაზე თამაში შეუძლია, ხვიჩასა და გიორგი ჩაკვეტაძის დუეტი ნებისმიერ ევროპულ ნაკრებს დაამშვენებდა.

რაც ხვიჩამ "ნაპოლიში" პირველ სეზონში გააკეთა, მგონი ამას მხოლოდ თვითონ ელოდებოდა. ერთად რომ ვიყავით ნეაპოლში ხვიჩამ მითხრა, აი, განახებ ამ ერთ წელიწადში მე აქ რას გავაკეთებო.

რაც შეეხება აურელიო დე ლაურენტისს, ძალიან კარგი ადამიანია, ჩვენ უამრავი კარგი გაგვიკეთა, რასაც გვპირდება, ყველაფერს ასრულებს. ეს ისეთი კაცია, არავის არაფერს არ დაუკარგავს, ხვიჩა უახლოეს მომავალში რასაც იმსახურებს, აუცილებლად მიიღებს. გასაგებია, რომ უმაღლესი დონის ფეხბურთელია და მეტი ეკუთვნის, იმ მეტსაც უახლოეს მომავალში მიიღებს.

ოჯახი კმაყოფილია, ხვიჩაც კმაყოფილია... მე ვსარგებლობ შემთხვევით და ვიძახი, რომ უახლოეს მომავალში მის კონტრაქტში ცვლილებები იქნება.

ხვიჩა წელს მაგარ ფორმაშია, "ნაპოლიში" ძალიან მოუმატა და წინა სეზონთან შედარებით, უკეთესად ასპარეზობს, ამაში ფეხბურთელის მამა ბადრი კვარაცხელიაც დამეთანხმა. უფრო დაღვინებულია და როგორც ვარსკვლავს შეეფერება ისე თამაშობს, ზედმეტს არ აკეთებს.

რუდი გარსიაზე ვერაფერს ვიტყვი, ბავშვმაც იცის, რომ "ნაპოლიმ" "ემპოლისთან" არ უნდა წააგოს. დე ლაურენტისს მცოდნე ფეხბურთის სელექციონერი ჰყავს და ამ კლუბში უამრავი განათლებული ხალხი მუშაობს.

მიქაუტაძეზე ჩემ აზრს გეტყვით, მას ძალიან კარგი აგენტი ჰყავს და "აიაქსთან" შესანიშნავი გარიგება დადეს. გიორგი სერიოზული თავდამსხმელია, საფრანგეთში ამდენი გოლის გატანა ადვილი არ არის, მაგრამ ჩემი აზრით, სერია A-ში მოხვედრა მისთვის უკეთესი იქნებოდა", - განაცხადა მამუკა ჯუღელმა.

"სამწუხაროა, რომ შოტლანდიელი ბებია ან ბაბუა არ ჰყავს" - შოტლანდიური გამოცემა კვარაცხელიაზე წერს

Ishowspeed-მა მამუკა ჯუღელი გააოცა - სახალისო კადრები მას შემდეგ, რაც გაირკვა, რომ "ოქროს ბურთი" მესიმ მოიგო [VIDEO]

ჯუღელი იტალიაშია და დე ლაურენტისთან შეხვედრას ელის - "ნაპოლის" პრეზიდენტის მიერ შეთავაზებულ ხელფასსა და კვარაცხელიას აგენტის მოთხოვნილს შორის დიდი სხვაობაა