გუშინ დიდი ბრიტანეთის ქალაქ შეფილდში დაიწყო ევროპის ჩემპიონატი ფიგურულ ციგურაობაში, ტურნირი 29 იანვრამდე გასტანს. ბუნებრივია, ჩვენი ერთადერთი იმედი 22 წლის ელენე გედევანიშვილია. ეს ქართველისთვის მეშვიდე ევროპის ჩემპიონატია. გაგაცნობთ მის ნაჩვენებ შედეგებს: 2006 -V ადგილი; 2007 -VIII; 2008 -VII; 2009 - XXV; 2010 - III; 2011 - VIII. ვნახოთ, შეძლებს თუ არა ელენე ორი წლის წინანდელი ისტორიული მიღწევის გამეორებას.
გუშინ შეფილდში ქალთა შორის საკვალიფიკაციო ტურნირი დაიწყო, 23 მონაწილე 10 საგზურისთვის იბრძოდა. ბუნებრივია, ელენეს ძირითად ტურნირში ადგილი გარანტირებული აქვს. ევროპის ჩემპიონატის ფავორიტია
ქალთა მოკლე პროგრამა 28 მონაწილით 27 იანვარს გაიმართება, თავისუფალი - მეორე დღეს. სამწუხაროდ, ვაჟთა შორის, აგრეთვე წყვილებში ქართველებს წარმომადგენლები არ გვყავს.
ყოველდღიური სპორტული გაზეთი "ლელო"
