ძიუდო. ევროპის ჩემპიონატი: ქართველებმა გამოსვლა 7 მედლით დაასრულეს

საქართველოს ძიუდოისტთა ნაკრებმა ყაზანში მიმდინარე ევროპის ჩემპიონატზე, ინდივიდუალურ შეჯიბრში გამოსვლა 7 მედლით - 2 ოქროთი, 3 ვერცხლითა და 2 ბრინჯაოთი დაასრულა, რაც საერთო ჩათვლაში მეორე შედეგია, საფრანგეთის შემდეგ.

ბოლო - ბრინჯაოს მედალი საქართველოს ნაკრებს მძიმე წონაში ლევან მატიაშვილმა მოუტანა, რომელმაც გადამწყვეტ შეხვედრაში უნგრელ ბარნა ბორს სძლია.

კონტინენტის ჩემპიონები ვაჟა მარგველაშვილი (-66) და ვალერი ლიპარტელიანი (-90) გახდნენ, ვერცხლის მედლები ლაშა შავდათუაშვილმა (-73), ავთანდილ ჭრიკიშვილმა (-81) და საქართველოს სახელით მოასპარეზე ესტერ სტამმა (-70) დაისაკუთრეს, ბრინჯაო მედლები კი ნუგზარ ტატალაშვილმა (-73) და მატიაშვილმა (+100) მოიპოვეს.

ხვალ, 24 აპრილს, ტურნირი გუნდური შეჯიბრით დასრულდება - საქართველოს ნაკრების პირველი მეტოქე უნგრეთი იქნება. წინასწარი შეხვედრები თბილისის დროით 13:00 საათზე, ფინალური ბლოკი 17:30 საათზე დაიწყება.