10 ოქტომბერს სასპორტო კომპლექს "არენაში" დაიწყო ხელბურთელ ვაჟთა საქართველოს ჩემპიონატი, რომელშიც რვა გუნდი მონაწილეობს. სასტარტო პაექრობებში აღმოსავლეთისა და დასავლეთის ზონის წარმომადგენლები დაუპირისპირდნენ ერთმანეთს. საქართველოს მრავალგზის ჩემპიონ სტუ-ს პირველ ტაიმში მედგარი წინააღმდეგობა გაუწიეს სამტრედიელებმა - მხოლოდ ორი ბურთით წააგეს. შესვენების შემდეგ სტუდენტებმა იძალეს და გათამაშების ცხრილში პირველი გამარჯვება (41:34) ჩაიწერეს.
შარშანდელი პირველობის ვერცხლისპრიზიორი ბათუმი შესვენებამდე თბილისის "პეგასს" სამი ბურთით უგებდა - 15:12. მეორე ტაიმში უპირატესობა 10 ბურთამდე აიყვანა - 41:31.
ზღვისპირელთაგან საუკეთესო იყო ნიკოლოზ ჯორბენაძე, რომელმაც 16-ჯერ აიღო მეტოქის კარი და
1998-99 წლებში დაბადებულთა ნაკრების წევრებმა, რომლებიც 2015 წლის ევროპის ახალგაზრდობის ოლიმპიური ფესტივალისთვის სპეციალური პროგრამით ემზადებიან, არაფერი დაუთმეს თბილისის "იმედს", თუმცა საბოლოოდ მაინც დამარცხდნენ - 30:35.
ქუთაისელებმა თელაველებს აჯობეს - 30:26.
11 ოქტომბერს, მეორე ტურში ითამაშებენ: თელავი - ბათუმი, სამტრედია - იმედი, პეგასი - ქუთაისი, ჭაბუკთა ნაკრები - სტუ.
ყოველდღიური სპორტული გაზეთი "ლელო"
