დღეს, თბილისის დროით 10 ოქტომბრის გამთენიისას კრივის ისტორიაში ერთერთი საუკეთესო ბრძოლა გაიმართა - ტაისონ ფიური და დეონტეი უაილდერი ერთმანეთს მესამედ შეხვდნენ, გამარჯვება კი "ბოშათა მეფეს" მეორედ დარჩა.
თუ წინა ბრძოლაში ბრიტანელმა ამერიკელს მე-7 რაუნდში მოუგო, ამჟამად ფიურიმ უაილდერი მე-11 რაუნდში დაანოკაუტა და მეორედ სძლია.
ბრძოლა კი ძალიან სანახაობრივი გამოვიდა - ორივე მოკრივე თავს არ ზოგავდა, ნოკდაუნში ორივე რამდენჯერმე აღმოჩნდა, მოკლედ, მაყურებლები კმაყოფილი დარჩნენ...
პაექრობის დასრულების შემდეგ ფიური უაილდერის კუთხესთან მივიდა, თუმცა იქაურობას მალევე გაეცალა. რინგზევე მიცემულ ინტერვიუში კი თქვა: "მივედი და ვუთხარი, რომ მაგრად იჩხუბა, მან კი მიპასუხა, რომ არც პატივისცემის გამოხატვა და არც სპორტული სულის გამოვლენა არ სურდა. ნამდვილი ლუზერია, სრული იდიოტი!"
ტრილოგია დასრულდა - გაამრჯვებული ფიური გახლავთ, ჯერ კიდევ უძლეველი ჩემპიონი... ოლეკსანდრ უსიკის მსგავსად... მაგრამ, უსიკი ფიურისთან უიმედო აუტსაიდერად გამოიყურება...
![alt](/pictures/image50/431227501a36650e8210d0e88b9a4249.jpg ""ნამდვილი იდიოტია" - კრივის ისტორიაში ერთერთი საუკეთესო ბრძოლა გაიმართა [VIDEO]")
მსოფლიოს უძლეველი ჩემპიონი თბილისშია [PHOTO]
