გულშემატკივრის სვეტი
არქივის კალენდარი
ესპანელთა თავკაცი: "ბორჯღალოსნებთან" თამაში 8-ათასიან მწვერვალზე ასვლას ნიშნავს
18:17 16-02-2016
27 თებერვალს საქართველოს ნაკრები ერთა თასის მორიგ შეხვედრას თბილისში გამართავს. მეტოქე ესპანეთია, რომელიც პირველ ორ ტურში, მოულოდნელად, ტოლ-სწორად ეთამაშა რუსეთსა და რუმინეთს და მხოლოდ ბოლოსკენ დამარცხდა ორივე მატჩში.

ესპანელთა თავკაც სანტი სანტოსს მიაჩნია, რომ უკეთეს დროს საქართველოში ჩასასვლელად ესპანეთის ნაკრები ვერც კი ინატრებდა:

"ჩვენ ყოველთვის საბრძოლველად გავდივართ. აქამდე საქართველოში არასოდეს მოგვიგია და ამ გადმოსახედიდან, თითქმის შეუძლებლად მოჩანს, ეს ახლა შევძლოთ, მაგრამ სპორტის ამ სახეობის ხიბლი სწორედ დიდი გამოწვევებია.

ეს დაახლოებით 8-ათასიან მთაზე ასვლაა. მოსაგებად გავალთ. თუ ამას ვერ შევძლებთ, ბონუს-ქულისთვის ვიბრძოლებთ.

ჩვენ მზარდი გუნდი ვართ, რომლის მიზანი 2019 წლის იაპონიის მსოფლიოს თასზე თამაშია. ამ გზაზე რაც უფრო ძლიერ მეტოქეს ვეთამაშებით, მით უფრო გავიზრდებით, მით უფრო დავხვეწავთ შერკინებას, მოლს და დაცვაში თამაშს.

ამიტომ ამაზე კარგ დროს საქართველოსთან თამაშისთვის ვერც მოვიფიქრებდით", - განუცხადა სანტი სანტოსმა elconfidencial.com-ს.
rugbyfan
13:26 17-02-2016
არაფერი უაზრო არ უთქვამს! 8,000-იან მწვერვალზე ასვლას შეადარა ჩვენთან მოგება
და მისი გადმოსახედიდან ეს ისურვა. როგორც ამბობენ,ოცნებას კაცი არ მოუკლავს!
კატო
11:12 17-02-2016
ცოდოები არიან ჩვენი ბიჭები ასეთი დონის გუნდებთან სათამაშოდ! მათტვის კარგია, კლასს იმაღლებენ ჩვენთან თამაშით, მაგრამ ჩვენ??? მსოფლიოს მერე აშკარა პროგრესი გვაქვს, იმიტომ რომ ძლიერ გუნდებს ვეთამაშეთ! გვჭირდება უფრო წინ წასვლა. უნდა გაირღვეს ეს ძალით ჩაკეტილი წრე და გაგვიშვან კარგ გუნდებთან სათამაშოდ.