სუპერლიგის მეორე წრის პირველი ტურის შეხვედრა "შსს აკადემიასა" და "მაქაბს" შორის, რომელიც 1-ელ თებერვალს, 14:00 საათზე უნდა გამართულიყო, გადაიდო. მატჩი 3 თებერვალს, ვაკეში მდებარე საკალათბურთო აკადემიის დარბაზში 16:00 საათზე გაიმართება.მატჩის გადადების მიზეზი თბილისის სპორტის სასახლეში ტრანსფორმატორის გადაწვა გახდა. მისი აღდგენითი სამუშაოებისთვის გარკვეული დროა საჭირო.
ასევე არ ჩატარდება სპორტის სასახლეში გასამართი თბილისის 13-წლამდელთა ჩემპიონატის მატჩები.
მეორე წრის პირველი ტურის კიდევ ერთი შეხვედრა კი 1-ელ თებერვალს 14:00 საათზე რუსთავში გაიმართება, სადაც ადგილობრივი გუნდი "არმიას" უმასპინძლებს.
წყარო: superleague.ge
