საქართველოს ნაკრების ნახევარმცველი დავით თარგამაძე დონეცკის "შახტარის" ფეხბურთელია. თუმცა იჯარით კარიერას კვლავ მარიუპოლის "ილიჩევეცში" აგრძელებს, სადაც კიდევ ერთი ქართველი ფეხბურთელი, თორნიკე ოქრიაშვილია, რომლის სატრანსფერო უფლებები ასევე "შახტარს" ეკუთვნის.
თარგამაძე 2006 წელს თბილისის "დინამოდან" გერმანულ "ფრაიბურგში" გადავიდა, თუმცა გერმანული კარიერა არ აეწყო.
დათომ თავის გამოჩენა უკრაინის მეორე ლიგის "ოლექსანდრიაში" შეძლო, რის შემდეგაც მისით უკრაინული გრანდი დაინტერესდა და ქართველს კონტრაქტიც გაუფორმა.
დავით თარგამაძემ ეროვნულ ნაკრებშიც რამდენიმე დასამახსოვრებელი მატჩი ჩაატარა.
დავით თარგამაძე Sportall.ge-ს რუბრიკის - "ინტერნეტკონფერენციის" სტუმარია და საიტის მკითხველთა შეკითხვებს უპასუხა.
ირაკლი
- გამარჯობა დავით. რას ფიქრობ 19-წლამდელებზე და თუ ხედავ იმ იმედს რომ ეს ბიჭები ითამაშებენ ისეთ ფეხბურთს რომ ქართველი გულშემატკივრები გაახარონ? დადგება თუ არა ამ ბიჭებიდან ჩვენი ნაკრების ბირთვი?
- კაი გუნდი არის. ბიჭებმაც დაამტკიცეს, რომ შეუძლიათ ევროპის დონეზე თამაში. მთავარია მათი სრული აღზრდაა.
ლაშა, 25 წლის:
- დავით მოგესალმები. დიდ იმედებს ვამყარებთ გულშემატკივრები შენზე. თუმცა შენი კარიერა ისე არ გრძელდება როგორც ჩვენ და რა თქმა უნდა შენც გსურს. შენი აზრით რატომ არ გაგრძელდა პროგრესი და რა გიშლის ხელს რომ უფრო წინ წაიწიო თუნდაც უკრაინის ჩემპიონატში?
- ჩემთვის მთავარია ვითამაშო და სრული თამაშის საშუალება მქონდეს, ამიტომ ვარ იჯარით "ილიჩევეცში".
გიორგი კუზიბაბაშვილი, 24 წლის:
- დავით რატომ ვირჩევთ ქართველები რუსეთისა და უკრაინის ჩემპიონატში თამაშს და არა ისეთ ქვეყნებს, როგორიც გერმანია და იტალიაა. ასევე რა იყო "ფრაიბურგიდან" წამოსვლის მიზეზი?
- რუსეთისა და უკრაინის ჩემპიონატი ძალიან მაღალი დონისაა. ამიტომ ეს ჩემპიონატები ევროპაში წასვლის დიდი ტრამპლინია. "ფრაიბურგთან" კი კონტრაქტი დამიმთავრდა და წამოვედი.
ირაკლი, 14 წლის:
- როგორ ფიქრობ დონეცკის "შახტარის" ძირითადში ითამაშებ?
- ამას დრო გვიჩვენებს, მინდა რომ დავბუნდე და ვითამაშო.
ხუტა ქობალია, 17 წლის:
- მინდა გკითხო შენს მომავალზე, გაქვს თუ არა სხვა კლუბებიდან შემოთავაზებები და უნდა ველოდოთ თუ არა შენ გადაბარგებას სხვა კლუბში . შენი აზრით ვინაა ნომერ პირველი ფეხბურთელი მსოფლიოში ? შენთვის ყველაზე დასამახსოვრებელი საკლუბო მატჩი რომელია? წარმატებები კარიერაში.
- ჯერჯერობით ვრჩები "ილიჩევეცში". თამაშს ზამთრამდე გავაგრძელებ და მერე ვნახოთ. ნომერი პირველი ფეხბურთელი ჩემი აზრით მარადონაა.
მკითხველი:
- მოგესალმები დავით! როდესაც პირველად გამოჩნდი ნაკრებში, ძალიან კარგ შთაბეჭდილებას ტოვებდი, უკრაინაშიც მშვენიერი სეზონი ჩაატარე და დონეცკის "შახტარის" ფეხბურთელი გახდი, თითქოს დროებით გაგანათხოვრეს, მაგრამ საკმაოდ დიდი ხანია სუსტ გუნდში ასპარეზობ, თითქოს ისე ვეღარ თამაშობ როგორც მანამდე... რისი ბრალია ეს ყველაფერი? როგორც ყველა ქართველი, შენც გართობას ხო არ გადაყევი უკრაინაში? გისურვებ წარმატებებს და წინსვალას, ნამდვილად გაქვს ამის პოტენციალი...
- რაც შეეხება გართობას, ყველა მაგას მეკითხება და ერთხელ და სამუდამოდ გეტყვით და კარგად წაიკითხეთ, გართობით არ ვერთობი და მთლიანად ფეხბურთზე ვარ გადართული.
ნიკა ლუკავა, 17 წლის:
- გაამარჯობა დავით. ყველამ იცის,რომ უკვე თბილისის "დინამო" ევროპაში ანგარიშგასაწევი და ძლიერი გუნდი გახდა, რომელსაც ამიერიდან ყოველ წელს ჩემპიონთა ან ევროპა ლიგაზე ასპარეზობა მოეთხოვება. შენი აზრით ეს "დინამო" რომ უკრაინის ჩემპიონატში მონაწილეობდეს გაუწევდა თუ არა კონკურენციას უკრაინის ტოპ-კლუბებს და სავარაუდოდ მოხვდებოდა თუ არა სამეულში მაინც?
- სიმართლე გითხრა, ჩემი აზრით, სამეულში ვერ მოხვდებოდა.
მკითხველი:
- დავით კიევის "დინამო" ძალიან გაძლიერდა, შენი აზრით "შახტარს" წელს მაინც გაუწევს ღირსეულ წინააგმდეგობას, როგორიც ეკადრება? იმედია მალე უკეთესს გუნდში გადახვალ.
- კიევის "დინამო" კარგი გუნდია წელს. იმედია "შახტარისა" და "დინამოს" თამაში ძალიან საინტერესო იქნება.
მკითხველი:
- გამარჯობა დავით, რომელია შენი საყვარელი გუნდი?
- "ბარსელონა".
დათო 32 წლის:
- როგორ ფიქრობთ კარგი ფეხბურთის სათამაშოდ პირველ რიგში რა თვისება სჭირდება სპორტსმენს?
- შრომისუნარიანობა.
ლევანი, 26 წლის:
- მოგესლმებით! როდესაც თქვენი მთავარი მწვრთნელი ნიკოლაი პავლოვი თქვენზე და თორნიკე ოქრიაშვილზე გულნატკენი ამბობს, რომ ვციტირებ "ბიჭები ერთ ქვეყანას წარმოადგენენ, დროს მუდამ ერთად ატარებენ და მე ვიტყოდი, დროს ისე არ ატარებენ, როგორც ეს ნამდვილ სპორტსმენებს შეეფერებათ", ნამდვილად არასასიამოვნო მოსასმენია. თქვენ რას იტყვით, აჭარბებს მწვრთნელი შეფასებისას?
- ეს ერთხელ მოხდა. მატჩის მერე მთელი გუნდი რესტორანში ვიყავით და ერთ-ერთმა ფანმა, რომელმაც გვიცნო, მწვრთნელს ჩვენი გვარები უთხრა, ასე რომ ეს არ შეეფერება სიმართლეს.
ელგუჯა ნავროზაშვილი 14 წლის:
- გსურთ თუ არა თბილისის "დინამოში" თამაში?
- არ ვიცი, ფეხბურთში ყველაფერი ხდება. შეიძლება მომიწიოს თბილისის "დინამოში" თამაში და ვითამაშებ სიამოვნებით. თბილისის "დინამო" დიდი გუნდია და პატივს ვცემ.
ლაშა წულაია, 12 წლის:
- დათო შენი აზრით ნაკრების წაგებები რამ გამოიწვია?და გინდა თუ არა რომელიმე ქართულ კლუბში ითამაშო?
- ბევრი გვაქვ ისევ სამუშაო. ასე უცბად ნაკრებს ვერ ააწყობ, დრო არის საჭირო, რომ ნაკრებმა მიაღწიოს იმას, რასაც ქართველი გულშემატკივარი ელოდება. რაც შეეხება მეორე კითხვას, ჯერჯერობით არა და მომავალში ვნახოთ.
ლაშა, 17 წლის:
- გამარჯობათ, რას იტყვი საქართველოში არის პენალტის დამრტყმელი? ან ადამიანი რომელიც შორიდან კარში დაარტყამს მაშინ როცა "კომბინაციები" არ გამოგვდის?
- რა თქმა უნდა, არის.
მაქსიმე:
- შენი აზრით ვინ არის ყველა დროის საუკეთესო მეკარე, მცველი, ნახევარმცველი, თავდამსხმელი და ყველა დროის საუკეთესო ფეხბურთელი?
- საუკეთესო მეკარედ ბუფონი მიმაჩნია, მცველად მალდინი, თავდამსხმელად ლიონელ მესი, ყველა დროის საუკეთესოდ ფეხბურთელად კი რონალდო.
მკითხველი:
- უკრაინის სუსტი გუნდიდან საქართველოს საუკეთესო გუნდში გადასვლა იქნებოდა თუ არა შენთვის უკან გადადგმული ნაბიჯი? ხომ არ გქონია თბილისის "დინამოდან" შემოთავაზება?
- შემოთავაზება მქონდა სანამ "შახტართან" მოვაწერდი კონტრაქტს, მაგრამ უკრაინა ვამჯობინე.
ლაშა, 17 წლის:
- გამარჯობა დავით, რას ფიქრობ სხვადასხვა ასაკობრივ ნაკრებებზე? მათ ხომ უკვე გაითქვეს სახელი ევროპაში და წლების მერე ერთად მოგიწევთ საქართველოს ღირსების დაცვა. როგორ ფიქრობ საჭიროებს თუ არა ნაკრები დიდ გაახალგაზრდავებას უახლოეს წლებში?
- ნაკრები ისედაც გაახალგაზრდავდა უკვე და მომავალში, რა თქმა უნდა ასეს იქნება. ამ ბიჭების იმედი ყველას აქვს და იმედია, რომ ერთად მივაღწევთ დიდ წარმატებებს.
მკითხველი:
- გამარჯობათ დავით ! თქვენს გუნდში "ილიჩევეცში" ირიცხებიან უკრაინული პასპორტის მქონე ახალგაზრდა ქართველები (მახარაძე ლევან, ოჩიგავა ზურაბ და ლობჟანიძე), თუ ფლობენ ისინი ქართულს და გაქვს თუ არა მათთან ურთიერთობა ან იქნებ თქვენი დონე არ არიან?
- მათ ვიცნობ, მეორე გუნდში თამაშობენ, მაგრამ ურთიერთობა არ მაქვს.
მკითხველი:
- გაუმარჯოს დავით. რთულია ამის მიღწევა ამ გადმოსახედიდან მაგრამ მაინტერესებს რომელ გუნდთან ერთად გინდა მოიგო ჩემპიონთა ლიგა და დაახლოებით როდის მოხდება ეს?
- "ბარსელონასთან" ან "მანჩესტერ იუნიატედთან" ერთად და როდის მოხდება არ ვიცი :)).
მკითხველი:
- გამარჯობა დავით, პირველ რიგში მინდა გითხრა, რომ შენზე და ოქრიაშვილზე ძალიან დიდ იმედები გვაქვს ქართველ ხალხს, მაგრამ ერთ ადგილს ტკეპნით და წინ არ მიიწევთ ( მე მიმაჩნია ასე , შეიძლება შენ და თორნიკე სხვანაირად ფიქრობთ) ხომ არ გიფიქრიათ რომ ეს არის ქართული სინდრომის ბრალი?
- სხვანაირად რას ვფიქრობთ მითხრი და გეტყვი :)).
გიორგი, 17 წლის:
- გამარჯობათ , თქვენი აზრით "დინამო", "დილა", "ტორპედო" რომ თამაშობდეს უკრაინის უმაღლეს ლიგაში გაუჭირდებოდათ ადგილის შენარჩუნება?
- უკრაინის ჩემპიონატი მაღალ დონისაა და რთულია ამაზე პასუხიის გაცემა. ალბათ, კი გაუჭირდებოდათ.
მკითხველი:
- დათო, გერმანელი ქალები სჯობს თუ უკრაინელი?
- ფრანგები.
