ავტორიტეტული იტალიელი ჟურნალისტის, ფაბრიციო რომას ინფორმაციით, ანხელ დი მარია კარიერას "ბენფიკაში" განაგრძობს. ლისაბონელები ვეტერან არგენტინელთან ტრანსფერის ფორმალურ მხარეებს აგვარებენ და უახლოეს დღეებში გვაუწყებენ, რომ 1-წლიანი კონტრაქტი გაუფორმეს.
მსოფლიოს მოქმედმა ჩემპიონმა გასული სეზონი ტურინის "იუვენტუსში" გაატარა, რომელიც თავისუფალი აგენტის სტატუსით დატოვა.
ინფორმაციისთვის, დი მარია "ბენფიკაში" 2007/10 წლებში უკვე თამაშობდა და შემდეგ მადრიდის "რეალში" გადაბარგდა.
