SBM League 2017/18: 17 დეკემბერს III ტურის შეხვედრები გაიმართება

17 დეკემბერს, თბილისის ოლიმპიური სასახლე ბიზნესის ჩემპიონთა ლიგის მორიგ სათამაშო დღეს უმასპინძლებს. მესამე ტურის შეხვედრებს სუპერლიგისა და ვერცხლის ლიგის გუნდები გამართავენ.

პირველები პარკეტზე ეროვნული თავდაცვის აკადემიისა და "ჯეო ჰოლდინგის" გუნდები გავლენ. მატჩი 11:00 სთ-ზე დაიწყება. ვერცხლის ლიგის ტურს "ავერსისა" და თბილისის მერიის გუნდების დაპირისპირება გააგრძელებს. 13:00 სთ-ზე გაიმართება "ელიტა ბურჯისა" და "ენერგო-პროს" გუნდების შეხვედრა. 16:30 სთ-ზე კი დღის ცენტრალურ შეხვედრაში ერთმანეთს შემოსავლების სამსახურისა და "ლიბერთი ბანკის" გუნდები დაუპირისპირდებიან.

ამ მატჩის დროს ლიგის პარტნიორი SNAP Fitness Georgia და ტექნიკური პარტნიორი, ესპანური სპორტული ბრენდი JOMA, სუპერლიგისა და ვერცხლის ლიგის II ტურის საუკეთესო ფეხბურთელებს დააჯილდოებენ. ტური "საქართველოს ბანკისა" და სახელმწიფო დაცვის სპეციალური სამსახურის გუნდების შეხვედრით დასრულდება.

17.12.2017. ვერცხლის ლიგა. III ტური
11:00 ეთა - Geo Holding
12:00 ავერსი - თბილისის მერია
13:00 ელიტა ბურჯი - ენერგო-პრო
16:30 შემოსავლების სამსახური - ლიბერთი ბანკი
18:00 საქართველოს ბანკი - SSPS

სუპერლიგის მესამე ტურს 14:00 სთ-ზე, პსპ-სა და აჭარის ნაკრების შეხვედრა გახსნის. 15:00 სთ-ზე "თელავი" სფფ-ს დაუპირისპირდება. 19:00 სთ-ზე დაიწყება "თსუ-ჰიუნდაისა" და "ტვ იმედის" გუნდების დაპირისპირება. სათამაშო დღის დასკვნით შეხვედრებში, 20:00 სთ-ზე მფკ "ნატახტარი" კავკასიის საერთაშორისო უნივერსიტეტის გუნდს დაუპირისპირდება, ხოლო 21:00 სთ-ზე "მაუდის" მეტოქე საქართველოს უნივერსიტეტის საფეხბურთო გუნდი იქნება.

17.12.2017. სუპერლიგა. III ტური
14:00 FC PSP - აჭარა
15:00 თელავი - სფფ
19:00 თსუ-ჰიუნდაი - ტვ იმედი
20:00 მფკ ნატახტარი - კსუ/CIU
21:00 მაუდი - FC UG

* * *
ბიზნესის ჩემპიონთა ლიგის გენერალური პარტნიორია "ვითიბი ბანკი". ჩემპიონატის ტექნიკური პარტნიორია ესპანური სპორტული ბრენდი JOMA.
ღონისძიების პარტნიორები და მხარდამჭერები არიან: "ნაბეღლავი", ენერგეტიკული სასმელი "ბუღა", SNAP Fitness Georgia, იზოტონური და ვიტამინიზირებული სასმელი OSHEE, რადიო ენერჯი 104.7, ტელეკომპანია "იმედი", კომპიუტერული კომპანია GT GROUP, იურიდიული ჯგუფი "McGill", "ტატიშვილის სამედიცინო და სპორტული რეაბილიტაციის ცენტრი", სასტუმრო "ბილტმორი"

მედიაპარტნიორები: Palitra News, რადიოები, "იმედი", JAKO FM, "კომერსანტი", "თანამგზავრი", ვებპორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, tsff.ge, გაზეთი "ლელო"

სპორტული სააგენტო SBM-ის პრესსამსახური