"კვარავაჯო, კვარადონა... დაარქვით, რაც გინდათ, ერთ-ერთი საუკეთესოა" - როგორ აფასებენ უცხოური გამოცემები ხვიჩას სეზონს

ხვიჩა კვარაცხელიას სადებიუტო სეზონი "ნაპოლის" რიგებში წარმატებული და გასაოცარი გამოდგა. ქართველი ფეხბურთელის გუნდმა სერია A-ს 33-ე ტურში სკუდეტოს მოგება გაინაღდა, რაშიც 22 წლის გარემარბს უდიდესი წვლილი მიუძღვის. ცნობილმა იტალიურმა გამოცემებმა ხვიჩას სეზონი, რა თქმა უნდა, დადებითად შეაფასეს, გთავაზობთ მათ კომენტარებს:

"საქართველოდან ჩამოსულმა ბიჭმა "ნაპოლი" იტალიის მწვერვალზე დააბრუნა. ზოგიერთ ექსპერტს მისი ტრანსფერის წარმატებულობაში ეჭვი ეპარებოდა, თუმცა ქართველმა ყველა კრიტიკოსი პირველივე ტურიდან დაადუმა. ხვიჩამ "პარტენოპეის" წარმატებაში უდიდესი წვლილი შეიტანა" - Goal Italia 9 ქულა.

"კვარავაჯო, კვარადონა... დაარქვით, რაც გინდათ, მაგრამ ამ ბიჭის სახით "ნაპოლიმ" ბოლო წლების განმავლობაში საუკეთესო ტალანტი შეიძინა. ქართველი გუნდს გოლებითა და საგოლე პასებით ლიდერობს და ჩვენს ლიგაში ერთ-ერთი ყველაზე პერსპექტიული მოთამაშეა" - Calciomercato 10 ქულა.

"უდავოდ სეზონის ყველაზე დიდი სიურპრიზია. მისი თამაშის მანერა გასაოცარია, ამით ქომაგების გული სეზონის დასაწყისშივე მოიგო. "კვარას" და ოსიმენის დუეტი მომაკვდინებელია. მნიშვნელოვანია, რომ ხვიჩა სტაბილურია, ამაზე ქართველის შედეგიანობა მეტყველებს, როგორც გატანილ გოლებში, ასევე საგოლე პასებში. ჩემპიონატის თვის საუკეთესო ფეხბურთელის ჯილდო 3-ჯერ მოიპოვა, მხოლოდ ერთ სეზონში საკუთარი თავის საბაზრო ღირებულება 10-ჯერ გაზარდა" - Mediaset-ი 10 ქულა.

შეგახსენებთ, ხვიჩა კვარაცხელიამ "ნაპოლის" მაისურით მიმდინარე სეზონში 37 მატჩი გამართა, თავი კი 14 გატანილი გოლითა და ამდენივე საგოლე პასით გამოიჩინა.

"ტრიუმფის აბსოლუტური გმირების, კვარაცხელიასა და ოსიმენის გამო "ნაპოლის" თავზე პრემიერლიგის შავი ღრუბელი ჩამოწვა" - იტალიური მედია

"დიადი ფინიში და დამსახურებული ტიტული" - "ნაპოლის" ჩემპიონობა "მილანმა" მიულოცა

ზელინსკის ტრუსი ჩახადეს, სპალეტის მელოტ თავზე სწვდნენ - აგონია უდინეში

რა შეფასება მიიღო ხვიჩა კვარაცხელიამ "უდინეზესთან" მატჩში