ფინეთის ქალაქ კუუსამოში გაგრძელდა თხილამურებით სირბილში მსოფლიოს თასის გათამაშება. ქალებს შორის სეზონი ჯერჯერობით ერთი სპორტსმენის შოუდ გადაიქცა. გაიმართა მეოთხე სტარტი და მეოთხედ პირველობა ლეგენდარულმა ნორვეგიელმა მარიტ ბიორგენმა მოიპოვა.კუუსამოში სპრინტში გამარჯვების შემდეგ ბიორგენმა 5-კილომეტრიანი დისტანცია მოიგო. ნორვეგიელმა მხოლოდ ერთ მომენტში მისცა შვედ შარლოტე კალას ლიდერთან მიახლოების საშუალება, მაგრამ ეს დროებითი და ხანმოკლე ინტრიგა იყო.
5 კილომეტრზე 11-წამიანი სხვაობა უდიდესი უპირატესობაა, რაც კიდევ ერთხელ ამტკიცებს ბიორგენის ბრწყინვალე ფორმას. იგივე ითქმის მთლიანად ნორვეგიის ნაკრებზე. ისევე როგორც პირველ ეტაპზე, ამჯერადაც პირველ ათეულში ამ
მესამეზე გავიდა ნორვეგიელი ვიბეკე სკოფტედური, რომელმაც კარგი რბოლა ჩაატარა. ათეულში მოხვდნენ ტერეზე იოჰაუგი, ასტრიდ იაკობსენი, მარტე კრისტოფერსენი და კრისტინ სტეირა.
5 კმ. ქალები
1. მარიტ ბიორგენი (ნორ) - 11:45.3; 2. შარლოტე კალა (შვედ) - +11.6; 3. ვიბეკე სკოფტერუდი (ნორ) - +12.9; 4. ტერეზე იოჰაუგი (ნორ) - +13.9; 5. იუსტინა კოვალჩიკი (პოლ) - +21.5; 6. ასტრიდ იაკობსენი (ნორ) - +27.1...
* * *
მამაკაცებს ორჯერ გრძელი დისტანციის დაფარვა უწევდათ. თუ ქალებს შორის სპორტის ამ სახეობაში ლიდერი ბიორგენია, კაცებში თხილამურების "მეფეს" ასევე ნორვეგიელ პეტერ ნორტუგს უწოდებენ. თუმცა ხშირად ამბობენ, რომ ნორტუგი ვიწრო სპეციალიზაციის მოთხილამურეა. ის ხშირად იგებს მას-სტარტებს, სადაც კარგი ფინიშია საჭირო. ასე რომ, პეტერ ნორტუგი - ერთგვარად სათხილამურო რბოლის მარკ კევენდიშია (ველოსპორტის ვარსკვლავი). თუმცა ნორვეგიელს ინდივიდუალურ რბოლებშიც არაერთი გამარჯვება აქვს და კოლექცია მორიგი ტრიუმფით შეავსო.
ბიორგენის მსგავსად, ნორტუგმაც კარგი ფორმა აჩვენა, რაზეც უახლოეს მდევართან, იტალიელ როლანდ კლარასთან 23-წამიანი უპირატესობა მეტყველებს. მესამე ადგილზე გავიდა ფრანგი მორის მონიფიკა, ვინც წამი მოუგო შვეიცარიელ დარიო კოლონიას.
თავი შეირცხვინეს წინა დღეს სპრინტის ეტაპის გმირებმა - მათი ჩამორჩენა ორი წუთის რაიონში იყო.
10 კმ. კაცები
1. პეტერ ნორტუგი (ნორ) - 21:49.1; 2. როლანდ კლარა (იტა) - +23.8; 3. მორის მონიფიკა (საფ) - +30.1; 4. დარიო კოლონია (შვეიც) - +31.7; 5. კრის ანდრე იესპერსენი (ნორ) - +33.0; 6. მარკუს ჰელნერი (შვედ) - +35.6...
ყოველდღიური სპორტული გაზეთი "ლელო"
