26 ნოემბერს, დიღომში მდებარე ძიუდოს აკადემიაში სტარტი აიღო საქართველოს ჩემპიონატმა ძიუდოში. ტურნირის პირველ დღეს ჩემპიონ-პრიზიორებს 60, 66 და 73 კგ-მდე წონით კატეგორიებში გამოვლინდნენ.უმჩატეს წონაში გამარჯვებული ლუხუმ ჩხვიმიანი გახდა, რომელსაც ფინალში ამირან პაპინაშვილი არ გამოუცხადდა. აქ ბრინჯაოს მედლები რობინზონ ბეგლარაშვილმა და გიორგი ბროლაშვილმა მოიპოვეს.
66-ში ვაჟა მარგველაშვილმა იმარჯვა, ვინც გადამწყვეტ შეხვედრაში ლაშა გიუნაშვილს მოუგო. ბრინჯაოს პრიზიორები თორნიკე თათარაშვილი და თორნიკე ნაგლიაშვილი გახდნენ.
73-ში ქვეყნის ჩემპიონი ფრიდონ გიგანი გახდა, ვიცე-ჩემპიონი - ნუგზარ ტატალაშვილი. ბრინჯაოს მედლები კი გიგა გიგაურმა და ომარ ნიაზაშვილმა
საქართველოს ჩემპიონატი ძიუდოში ხვალ, 27 ნოემბერს დასრულდება.
![მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]](/pictures/image7/2613e714e00dac6b35b09ec834caa542.jpg "მარგველაშვილის ოქრო და ლიპარტელიანის ბრინჯაო - ევროპის ჩემპიონატის პირველი საშეჯიბრო დღე [VIDEO]")
