24 მარტს სოჭში, მოჭადრაკე ქალთა მსოფლიოს ჩემპიონატზე მერვედფინალის განმეორებითი პაექრობები გაიმართა. მერი არაბიძე ლიტველ ევროპის ექსჩემპიონ ვიქტორია ჩმილიტეს მეორე კლასიკურ პარტიაშიც დაუზავდა. ანგარიშია 1:1. მათ შორის უძლიერესის ვინაობას 25 მარტს ტაიბრეიკები დაასახელებს.სამწუხაროდ, შეჯიბრებას გამოეთიშნენ საქართველოს ნაკრების წევრები - ბელა ხოტენაშვილი და ლელა ჯავახიშვილი. ხოტენაშვილი პირველ ტურში ჩინელ ჟაო სიუესთან დამარცხდა, 24 მარტს კი მეტოქეს დაუზავდა და ორპარტიანი მინი-მატჩი 0,5:1,5 დათმო.
ასეთივე ანგარიშით დასრულდა ჯავახიშვილისა და უკრაინელი ანა მუზიჩკის პაექრობა. შავებით ქართველი დიდოსტატი მეტოქეს ყაიმზე შეუთანხმდა, თეთრებით კი დამარცხდა და
მერვედფინალის დანარჩენი პაექრობები ასე დასრულდა: ალისა გალიამოვა (რუსეთი)-ჰამფი კონერუ (ინდოეთი) 0:2, ნატალია პოგონინა (რუსეთი)-მარი სებაგი (საფრანგეთი) 1:1, ჰარიკა დრონავალი (ინდოეთი)-ალექსანდრა კოსტენიუკი (რუსეთი) 1:1, მარია მუზიჩუკი (უკრაინა)-ანტოანეტა სტეფანოვა (ბულგარეთი) 1,5:0,5, ვალენტინა გუნინა (რუსეთი)-პია კრამლინგი (შვედეთი) 0.5:1.5.
ორი კლასიკური პარტიის შემდეგ სამი შეხვედრა ფრედ დამთავრდა. ამ წყვილებში მეტოქეები 25 მარტს ტაიბრეიკებს ითამაშებენ.
ყოველდღიური სპორტული გაზეთი "ლელო"
